Tuesday , March 19 2024

Isko sa IATF:
ASUNTO VS DENR EXECS SA DOLOMITE BEACH ‘SUPERSPREADER’ EVENT

102721 Hataw Frontpage

ni ROSE NOVENARIO

NANAWAGAN si Manila Mayor Francisco “Isko” Moreno” Domogoso sa Inter-Agency Task Force for the Management of Emerging Infectious Diseases (IATF) na sampahan ng kaso ang mga opisyal ng Department of Environment and Natural Resources (DENR) sa paglabag sa health protocols sa pagbubukas sa publiko ng Manila Bay dolomite beachfront.

“Ang ironic kasi riyan, sila ‘yung nagpapatupad, sila rin ‘yung lumalabag. Now I’m challenging agencies of government under IATF to file charges in violation sa mga kapwa nila,” ani Moreno sa panayam sa Headstart sa ANC.

Inulan ng batikos ang DENR sa nakalipas na mga araw nang payagang dumagsa ang libo-libong katao sa dolomite beachfront na pinangangambahang magdulot ng muling pagtaas ng kaso ng CoVid-19.

Ayon kay Isko, hindi inabisohan ng DENR ang Manila city government nang buksan ng kagawaran ang dolomite beachfront sa publiko.

“If we cannot implement it within our offices, then there’s no point in implementing it sa mga taongbayan. Pinahihirapan natin ang taongbayan, pero ang unang naglalabag ay tayo rin sa national government. It doesn’t make sense,” sabi ni Isko.

Ipinauubaya ng Malacañang sa Department of Interior and Local Government (DILG), Manila City government at Philippine National Police (PNP) ang pagsasampa ng kaso laban sa mga opisyal ng DENR.

“Hinahayaan na po namin ‘yan sa DILG ‘no at sa ating pulisya ‘no kasama na po ang lokal na pamahalaan ng Maynila,” pahayag ni Presidential Spokesman Harry Roque.

Sinabi ni DENR Undersecretary Jonas Leones, makikipag-ugnayan ang kagawaran kay Isko kaugnay sa isyu.

Simula kahapon ay nilimitahan ng DENR ang bilang ng mga pumapasok sa dolomite beach at ipinagbawal ang may edad 12-anyos pababa.

About Rose Novenario

Check Also

Bong Revilla Jr teachers

Sen Bong kampyon ng mga guro, teaching allowance madodoble na 

SHOWBIZ KONEKni Maricris Valdez Nicasio MARAMING mga guro ang natuwa dahil aprubado na ng Senado …

Malolos-Bocaue SCR Phase 1 Viaduct

Malolos-Bocaue SCR Phase 1 Viaduct tapos na

KOMPLETO na ang napakalaking North-South Commuter Railway (NSCR) viaduct. Ang 14-kilometrong natapos na bahagi ng …

3 lalaking suspek sa kinawat na kawad  ng koryente ‘minasaker’

3 lalaking suspek sa kinawat na kawad  ng koryente ‘minasaker’

TATLONG lalaking pinaghihinalaang mga tirador ng kawad ng koryente ang natagpuang wala nang buhay attadtad …

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …