Friday , January 27 2023
Cinema Movie Now Showing

Sine bukas na walang date, food bawal din (Sa 30% capacity)

INIHAYAG ng Department of the Interior and Local Government (DILG), mahigpit na ipagbabawal ang panonood ng sine nang magkatabi, sa sandaling buksan muli sa limitadong kapasidad ang mga sinehan sa Metro Manila simula sa Sabado.

Ang pagbubukas ng mga sinehan ay kasunod ng pagsailalim ng National Capital Region (NCR) sa Alert Level 3 simula 16 Oktubre hanggang 31 Oktubre dahil sa unti-unting pagbaba ng mga naitatalang kaso ng CoVid-19 sa rehiyon.

Gayonman, limitado lamang ang papayagang kapasidad nito na dapat ay nasa 30% at pawang fully-vaccinated individuals din umano ang pahihintulutang makapanood ng sine.

Ayon kay DILG Undersecretary at Spokesperson Jonathan Malaya, maraming tao ang natutuwa sa pagbubukas muli ng mga sinehan, partikular ang cinema operators na malaki na ang nalugi dahil sa pagsasara ng kanilang negosyo.

“A lot of people are so happy with this, even the cinema operators association,” ayon kay Malaya, sa isang panayam. “They’re happy because under the old guidelines, they would still continue to be prohibited under Alert Level 3, but they really appealed and requested that they be allowed to open… but 30 percent indoor capacity for cinemas under Alert Level 3, and, since it’s only 30 percent, there will be seats in between moviegoers that will be left vacant,” paliwanag ni Malaya.

Una nang nagtakda ng protocols ang Cinema Exhibitor Association of the Philippines (CEAP) upang matiyak na magiging ligtas ang muling pagbubukas ng mga sinehan, ngayong nakararanas pa ng pandemya ang bansa.

Kabilang sa mga itinakdang regulasyon ang one-seat apart ng mga manonood, pagsusuot ng facemask at pagbabawal sa pagkain sa loob ng sinehan.

Maging ang mga tauhan ng mga cinema ay mag-oobserba rin ng minimum health protocols gaya nang madalas na paghuhugas ng kamay.

Matatandaang simula noong Marso 2020 ay sarado ang mga sinehan sa bansa dahil sa pandemya at ayon sa CEAP, tinatayang aabot na sa P21 bilyon ang kitang nawala sa kanila. (ALMAR DANGUILAN)

About Almar Danguilan

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …