Thursday , March 28 2024

Pasay PCP chief, 5 parak sinibak (Sa Chinese na pinalaya)

ANIM na tauhan ng Pasay City Police kabilang ang isang Police Community Precinct (PCP) commander ang sinibak kaugnay ng paglabag sa Presidential Decree (PD) 1829 o Obstruction of Justice matapos arestohin at disarmahan sa loob mismo ng opisina ng kanilang hepe nitong Miyerkoles, 6 Oktubre.

Kinilala ni Pasay City Police Chief Col. Cesar Paday-os  ang mga sinibak na pulis na sina Maj. Crisanto Racoma, PCP commander; Lt. Noelson Garcera; SSgt. Johnvir Tagacay; Cpl. Jayson Lunas; Cpl. Jerson Bauzon; at Cpl. Christian Cadingan, nakatalaga sa Mall of Asia (MOA) Sub-Station 10 ng Pasay Police.

Pansamantalang itinalaga sa Admin Holding ng NCRPO habang ang kanilang mga service firearm na kinompiska ay nasa kustodiya ng chief supply ng Pasay City Police para sa safekeeping.

Base sa report, inaresto ng kanilang kabaro ang anim dahil sa kasong Obstruction of Justice o paglabag sa PD 1829, sa loob mismo ng tanggapan ni Col. Paday-os, sa Pasay PNP headquarters, F.B. Harrison St., dakong 12:30 pm noong Miyerkoles.

Sa imbestigasyon, nalaman na ang anim na pulis ang umaresto sa isang Chinese national na nagmamaneho ng Ford Mustang, walang driver’s license, noong 2 Oktubre, sa gitna ng ikinasang Oplan Sita.

Sa pag-aresto sa dayuhan, nakuha ng anim na pulis sa loob ng sasakyan ang RONI Kit para sa short firearm at ilang bala ng kalibre .9mm, personal na gamit tulad ng Rolex, cellphones, laptop, cash money, at iba pa.

Nag-isyu ng official violation receipt (OVR) ang mga pulis laban sa Chinese national at pinayagan ang dayuhan na umalis sa lugar kahit hindi pa sila naghahain ng kaukulang kaso kaugnay ng paglabag sa RA 10591 (Illegal Possession of Ammunitions).

Nakatanggap si Col. Paday-os ng mensahe  galing sa tanggapan ni  National Capital Region Police Office (NCRPO) Dir. P/Maj. General Vicente Danao, Jr., na

nag-uutos imbestigahan ang kanyang mga tauhan sa Sub-Station 10 hinggil sa kanilang natanggap na impormasyon.

Nalaman ni Col. Paday-os ang insidente at ang kompletong detalye sa pangyayari kaya agad niyang ipinaaresto ang anim na tauhan kaugnay ng pagkabigong magsampa ng kasong paglabag sa RA 10591 sa kabila ng mga ebidensiyang nakalap nila.

Isasailalim sa inquest proceedings sa Pasay City Prosecutor’s Office ang anim na pulis pagkatapos makompleto ang dokumentasyon sa kaso. (GINA GARCIA)

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …