Wednesday , December 1 2021
electric wires

7 tirador ng kawad ng koryente, timbog

NABULGAR ang pagnanakaw ng mga kawad ng koryente sa linya ng isang major electric company nang masakote ang pito kataong may kagagawan nito sa operasyong isinagawa ng pulisya sa bayan ng San Miguel, lalawigan ng Bulacan, noong Miyerkoles ng hapon, 6 Oktubre.

Kinilala ang mga naarestong suspek, pawang subcontractor ng electric company, na sina Isidro Parcon, Alexander Cruz, Jeffrey Dionisio, Jayson Luna, John Eleazar Angeles, Hero Gil Flores, pawang mga residente sa Baliwag; at Arvin Oquindo, residente sa Bustos.

Dinakip ang mga suspek ng mga elemento ng San Miguel Municipal Police Station (MPS) sa Brgy. Sta Rita Bata, sa nabanggit na bayan, dakong 3:00 pm, kamakalawa.

Napag-alamang ikinasa ang operasyon laban sa mga suspek makaraang magreklamo ang electric company sa pagkawala ng maraming kawad ng koryente sa kanilang mga linya.

Sa operasyon, naaktohan ng mga awtoridad ang mga suspek sa pagtatago ng mga kawad ng koryente na tinatayang nagkakahalaga ng P15,000 sa loob ng subcontractor’s service vehicle habang ang ilan ay nasa bag ng mga suspek na sina Jayson Luna at John Eleazer Angeles.

Kasalukuyang nakakulong ang mga suspek sa San Miguel MPS Jail habang inihahanda ng mga awtoridad ang pagsasampa ng kaukulang kaso laban sa mga suspek. (MICKA BAUTISTA)

About Micka Bautista

Check Also

Hataw Frontpage Bong Go umatras sa 2022 prexy race

Bong Go umatras sa 2022 prexy race

ni ROSE NOVENARIO             TINULDUKAN ni Sen. Christopher “Bong” Go ang kanyang ambisyong maluklok bilang susunod …

Sa Bulacan
MOTORNAPPER, 4 PUGANTE TIMBOG SA POLICE OPS

INARESTO ng mga awtoridad ang isang kawatan ng motorsiklo at apat na pugante sa magkakahiwalay …

Daniel Fernando Covid-19 Vaccine Bulacan

100K Bulakenyo target bakunahan
3-ARAW NATIONAL COVID-19 VACCINATION DAY SINIMULAN

SINIMULAN ng lalawigan ng Bulacan ang pagbabakuna sa mga Bulakenyo sa lahat ng sektor sa …

3 tulak tiklo sa droga (Sa Pasig) Edwin Moreno

Sa Pasig
3 TULAK TIKLO SA DROGA

NASAKOTE ng mga awtoridad ang tatlong hinihinalang tulak ng ilegal na droga sa ikinasang buy …

Mary Mitzi Mitch Cajayon-Uy

Cajayon-Uy:
OMBUDSMAN, KAILANGANG REPORMAHIN

KASUNOD ng pagpapawalang-sala sa kanya ng Sandiganbayan sa mga kasong graft at malversation noong 12 …