Wednesday , December 1 2021
Bulabugin ni Jerry Yap
Bulabugin ni Jerry Yap

Bullying sa PTV-4 employees, suweldo barya lang kompara sa top honchos (GM sinabon sa Senado)

BULABUGIN
ni Jerry Yap

GUMAAN kahit paano ang loob ng inyong lingkod nang mabasa natin sa balita na binubusisi ng Senado ang nagaganap na bullying sa People’s Television Network (PTV4), na may isang kaso pa nga na nag-suicide ang isang batang empleyado.

        Bukod sa bullying, ang tila walang pakialam na management ng PTV4 sa kalagayan ng mga empleyadong matagal nang hinihiling na dagdagan ang kanilang suweldo.

        Ang nangyayari kasi, kapag may bagong administrasyon at nagtatalaga ng mga tao nila sa nasabing government network, mas inuuna pang ibuhos ang budget sa sumisirit na suweldo ng mga bagong luklok kaysa mga empleyadong matagal nang nagtitiis sa kanilang kakarampot na suweldo.

Hindi pa nga natalakay sa Senado ang karanasan ng mga empleyadong nahawa ng CoVid-19 na hinayaan lang ‘dumiskarte’ sa sarili nila at hindi man lang inalalayan ng management. Kailangan pang dumukot sa mga sariling bulsa, na barya na lang nga ang laman,  e ‘nabutas’ pa, para makapagpa-RT PCR o swab test nang sa gayon ay makompirma kung sila nga ay positibo o negatibo.

(Kasama kaya si GM Kat de Castro sa naapektohan? Para kasing apektadong-apektado siya noong makita natin sa hearing sa Senado — hirap na hirap siyang kumilos. Hik hik hik…) 

Kidding aside, e paano ‘yung pamilya nilang na-expose sa kanila? Saan kukuha ng igagastos para sa RT PCR? At kung nag-positive at kailangan mag-quarantine paano ang batayang pangangailangan ng pamilya sa araw-araw? Ilan lang ‘yan sa mga hinaing ng mga empleyado.

Sa totoo lang, hindi lang PTV4, pati ang sequestered network na IBC 13 ay matagal nang napapabayaan ng gobyerno.

Ilang panahong naging running story sa aming pahayagan, HATAW D’yaryo ng Bayan, ang kalagayan ng mga nasabing empleyado at ang kanilang mga hinaing gayondin ang napakaluhong buhay ng mga nasa management — sirit na ang suweldo, sandamakmak pa ang perks and privileges. 

Kung sino man ang matapang ang loob na magsalita, asahan na papasanin niya ang kahihinatnan ng kanyang ‘pagpapakabayani.’ At diyan lalo pumapasok ang ‘bullying.’

Maaaring ‘maparusahan’ ang 2022 budget ng Presidential Communications Operations Office (PCOO) kung hindi makombinsi ang Senado sa mga sagot ng mga taong ‘isinalang at iginisa’ nila sa pagdinig, pero iwawasto ba ng ganitong hakbang ang ‘bullying’ at masamang trato ng management sa pangkaraniwang empleyado?

Hindi! Dahil hindi iyon ang solusyon. Ang solusyon ay papanagutin sa ilalim ng Republic Act No. 6713 ang mga pabaya, burara, at makasariling opisyal ng government network.

Sa kabuuan po ay ganito ang nilalaman ng RA 6713: “An act establishing a code of conduct and ethical standards for public officials and employees, to uphold the time-honored principle of public office being a public trust, granting incentives and rewards for exemplary service, enumerating prohibited acts and transactions and providing penalties for violations thereof and for other purposes.”

Klaro-klarong naman po na may dapat managot. Kaya sana naman, hindi lang ukol sa budget ng PCOO para sa 2022 ang concern ng Senado. Sana’y may layunin silang papanagutin ang mga iresponsableng opisyal.

Ganoon po ba ang layunin ninyo Senate President Vicente “Tito Sen” Sotto III?! 

Wish ko lang…


LGU OFFICIAL NAGWALA
NANG MAAKTOHAN
SI MISTER AT CHIKABABE
SA ISANG GOV’T OFFICE

HINDI natin akalain na grabe palang mag-alboroto ang isang lady local government unit (LGU) official lalo kung pag-uusapan ang pagiging ‘chick boy’ ng kanyang mister, na nagkataong isang opisyal din sa isang lokal na pamahalaan sa kabiserang rehiyon.

        Actually, hindi lang silang dalawa ni mister, pati ang ilan nilang kaanak o kapamilya ay nasa LGU rin — para silang Kamag-anak Inc.

        Malulusog silang mag-isip kaya siguro paborito nila ang trabaho sa LGU. Kaya masasabi nating, maraming humahanga sa kanila.

        Anyway, isang araw umano, nahuli nitong si lady LGU official ang ‘waswit’ na may kinakalantareng ‘chikababe’ sa kanyang opisina.

        Nakupo, parang nag-Agatha Trenchbull si Madam! Hindi maawat sa pagwawala. At lahat ng makita ay iwinawasiwas. Ang tingin niya sa ‘chikababes ni mister  ay parang si ‘Matilda.’

Nasira ang kanyang poise. At talagang naghulas daw ang paggalang ng mga nakakita, kasi inisip nilang malusog ang isip ni Madam at hindi aalagwa sa mga ganoong klase ng sitwasyon.

        Heto na, nang mahimasmasan si madam sa kanyang pagka-Trenchbull, agad niyang hinarap ang mga saksi, at sinabing, “huwag na huwag makalalabas ang nasabing insidente,” dahil kung hindi, may kalalagyan sila.

        Aba, matindi rin palang magbanta si Madam. Parang may pinagmanahan.

        Anyway, gusto ba ninyong malaman kung sino si Madam?

        Basta, healthy siya. Gets n’yo na?!

        Kung sinong maka-gets, may libreng tour sa boys town.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Bulabugin ni Jerry Yap

True friendship lasts forever

MAGANDANG gabi po sa inyong lahat. Una ko pong nakilala si Jerry Yap, sa katotohanang …

Usaping Bayan ni Rev. Fr. Nelson Flores, MSCK, JD

Adviento

USAPING BAYANni Rev. Fr. Nelson Flores, MSCK, JD. NITONG nagdaang araw ng Linggo ay nagsimula …

FIRING LINE ni Robert B. Roque, Jr.

China, bully na in denial

FIRING LINEni Robert B. Roque, Jr. MAPAGKUNWARI ang China, sa ilalim ni Xi Jinping, pagdating …

Bulabugin ni Jerry Yap

Maligaya na ang birthday ko, okey na si Rommel — JSY

MARAMING salamat, Sir JSY. Nabulabog mo kaming lahat, mga tauhan mo, pamilya, lahat ng nagmamahal …

AKSYON AGAD ni Almar Danguilan

Quezon Gov. Suarez et al, kakasuhan ng plunder? Bakit?

AKSYON AGADni Almar Danguilan SASAMPAHAN ng plunder o pandarambong si Quezon Province governor Danilo Suarez. …