Thursday , August 11 2022
Bulabugin ni Jerry Yap
Bulabugin ni Jerry Yap

2019 SEAG cauldron ‘di ginastusan maski isang kusing ng gobyerno

NOW, it can be told. Kahit isang singkong duling pala ay walang ginastos ang ating gobyerno sa pagpapagawa ng cauldron para sa Southeast Asian Games o SEAG noong Disyembre 2019 at naging overall champion ang Filipinas.

“ We won as one,” ‘ika nga. Pribadong sector pala ang gumastos sa pagpapatayo ng SEAG cauldron na nagkakahalaga ng P50 milyones.

Ito mismo ang ibinunyag ni dating Speaker Alan Peter  Cayetano na siyang nangasiwa sa Philippine South East Asian Games Organizing Committee o (PHISGOC), sa panayam ng sikat na TV Host na si Boy Abunda noong nakaraang linggo.

Kung inyong matatandaan, binatikos ng mga kontra administrasyon ang naturang cauldron dahil sa napakamahal daw nito sa halagang P50M.

        Pero kung tutuusin umano, mas mura ang SEAG cauldron na ipinagawa ng Filipinas iyan kaysa mga SEAG cauldron na itinatag sa ibang bansa.

Isa itong masterpiece ng ating National Artist for Architecture na si Francisco Mañosa. Ang sabi nga ni Cayetano, “Puwede naman gawing patapon lang ‘yung cauldron kung ginusto ng mga organizers pero bakit naman natin gagawin ‘yun bilang isang bansa lalo na’t binigyan tayo ng pagkakataon na ipakita sa buong mundo na kaya nating magtayo ng world sports facility na masasabi talaga nating pangmalakasan ang dating.”

Sa naturang interview inamin ni Cayetano na maraming sponsors ang umatras dahil sa kontrobersiya at isyu ng korupsiyon na ipinukol sa paggawa ng SEAG cauldron. Mas marami pa sanang pondong papasok mula sa mga pribadong kompanya ngunit napigilan ito dahil sa crab mentality at mga akusasyon ng katiwalian na ipinukol sa SEAG cauldron.

Sinabi ng dating lider ng kamara, hindi perpekto ang kanyang buhay politika pero ni isang kusing ay ‘di siya nagtamasa at wala siyang ibinulsa mula sa pagdaraos ng 2019 SEAG.

Sa totoo lang, hindi rin natin maintindihan ang iba nating kababayan na pilit na ibinabagsak ang mga pagkakataon na dapat ay shining moment na natin bilang mga Filipino. Kita n’yo naman, umabot ng 387 medalya ang nakopo ng ating mga atleta sa 2019 SEAG, ang 149 dito ay mga medalyang ginto. Sobrang nakaka-proud ang galing at determinasyon ng ating mga manlalarong Pinoy.

        Gayon pa man, ang ingay at mga akusasyon na ipinukol sa 2019 SEAG ay ‘di rin nagkaroon ng buhay. Sa halip, pinuri pa ni Olympic Council of Asia Vice President Wei Jizhong ang mga organizers ng naturang palaro at maging si Pangulong Duterte dahil ipinakita aniya ng Filipinas na kaya na nitong mag-host ng mas malaki pang sports events. Kaya naman ‘yung mga fake news na pinakawalan para gibain ang 2019 SEAG ay nanatiling fake news na lang hanggang ngayon.

Kaya ‘yung mga kritikong dumakdak, hanggang dakdak na lang ang nangyari sa kanila. Imbes makatulong sa ating bansa, sila pa ang naging dahilan ng pag-atras ng maraming sponsors sa SEAG. Hindi man lang nag-isip, makapagpasabog lang ng fake news para hilahin pababa ang mga taong walang ibang nasa isip kundi ang kapakanan ng bansa.

Tandaan, kahit ano pa ang gawin, fake news is fake news. ‘Yun na ‘yun.


P3.52-B additional
budget for 2021 nasaan?

MAYROON BA TALAGANG PSA
PHILIPPINE IDENTIFICATION
SYSTEM (PSA PhilSys)?

STATISTICIAN at IT experts ba talaga ang kinuha ng Philippine Statistics Authority (PSA) para sa proyektong Philippine Identification System (PhilSys) o mga eksperto sa pagtambay sa mga mall at coffee shops?!

        Itinatanong po natin ito, dahil isa tayo sa mga biktima ng mga ‘arkitekto’ o ‘yung magagaling mag-drawing diyan sa PSA PhilSys.

        Ang Step 1 kasi ng PhilSys ay magrehistro online at pagkatapos ay padadalhan ka nila ng email kung kailan ‘yung Step 2.

        Ang Step 2 ay pagpunta kung saan ang pinakamalapit na PSA PhilSys satellite sa residensiya ng aplikante kaya siguro doon ako pinapunta sa Ayala Malls Manila Bay sa Parañaque City.

        Doon daw ika-capture ang aking biometrics gaya ng fingerprints, iris scan, at front-facing photo.

        Ang ganda ng bati nila sa email, uumpisahan ito ng “Good news, (pangalan ng applicant)! You have successfully completed your Step 1 Registration to Philippine Identification System (PhilSys). Your Appointment Reference No. (ARN) is – – – – for the next step. Nasa ibaba na niyan ‘yung kung saang lugar ka pupunta at anong oras.

Wow! Sabi ko ang bilis, muntik kong purihin ang PhilSys sa Bulabugin kahit hindi pa nangyayari ang appointment ko. Natuwa kasi ako sa bilis ng kanilang response.

Dahil nga nasa panahon tayo ng pandemya, sinikap kong dumating nang hindi masyadong maaga sa appointment at hindi rin naman late. Iniisip ko kasi na hindi dapat matagal ang exposure sa crowded places.

Sakto naman ang dating ko sa schedule ko, siguro ahead lang ako ng five minutes sa schedule kong 3:00 pm.

Natatanaw ko pa lang ‘yung lugar ng PhilSys, parang natuwa pa ako, kasi ang luwag, walang katao-tao. Aba, sabi ko, okey ‘to.

Habang papalapit nang papalapit ako sa PhilSys, wala talaga akong makitang tao at kahit staff nila wala!

Wattafak! 

        Wala akong mapagtanungan, kasi nga, walang tao. Iniisip ko, baka ‘yung applicant na lang ang gagawa para sa sarili niya, baka naka-remote na lang ang mga machine o gadgets, pero dapat may guide ‘di ba?

        Feeling ko tuloy, na-wow mali ba ako?!

        Binalikan ko ang messages nila sa akin, wala namang abiso na kanselado ang schedule ko. 

        At heto ang malaking kapabayaan dito sa sistema ng PhilSys, sandamakmak na pala ang reklamo at feedbacks ng mga applicant sa kanilang social media page, pero wala man lang nagre-response?!

        Hindi pa man umaarangkada ang proyekto ng PhilSys, e naubos na agad ang IT experts nila at baka pati ang pondo?! Saan napunta ang mga empleyadong itinalaga para sumagot sa social media at tumao roon mismo sa site kung saan nila pinapupunta ang mga aplikante?

        Aba,  Asec. Rosalinda Bautista, Madam, hindi pa ba nagre-report sa inyo ang Feedback and Grievance Management Division OIC na si Nicole Dane Navea sa sandamakmak na reklamo ng mga aplikante na daig pa nila ang na-1-2-3 kahihintay sa sagot ng PhilSys sa kanilang aplikasyon sa Step 1?

        Habang ‘yung mga aplikante naman sa Step 2 ay daig pa ang ‘na-indian’ ng ka-date nila dahil walang katao-tao sa PhilSys site.

        Hindi kaya, maagang nag-shopping sa nasabing mall ang mga IT experts at staff ninyo, Madam Bautista and Ms. Nicole?

        Silipin ninyo ang social media page ninyo, minumura na kayo ng applicants!

        Mukhang sa inyo pa mabubulilyaso ang proyektong National ID System. Ganito ba talaga ngayon sa gobyerno? Makuha lang ang budget, tengga na ang proyekto?!

        PSA chairperson Usec. Claire Dennis Mapa, puwede po bang magtanong? Nagtatrabaho pa ba kayo?

Ano na ang nangyari sa proyektong National ID System? Data capturing pa lang, butata na kayo!    

Lumarga ba ang proyekto mula nang italaga kayo ni Pangulong Rodrigo Duterte?

        Hindi ba’t noong nakaraang taon, inaprobahan ni Pangulong Digong ang karagdagang P3.52 bilyones pondo na ang layunin ay mairehistro ang 20 milyong Filipino sa ilalim ng PhilSys bago matapos ang 2021?

Sabi noong Disyembre 2020 ni Presidential Spokesperson Harry Roque, “President Rodrigo Roa Duterte, together with the members of his Cabinet, approved the P3.52-B additional budget for 2021 to register 20 million more individuals (on top of the 50-million target) to the Philippine Identification System (PhilSys) by the end of 2021, as presented by Acting Socioeconomic Planning Secretary Karl Kendrick Chua.”

     Anyare?!

     Paging Senate Blue Ribbon Committee chair Richard Gordon, pakibusisi na rin po ang PSA PhilSys at baka nagogoyo na rin ang sambayanang Pinoy sa proyektong ito! 

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://www.hatawtabloid.com

  

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

FIRING LINE ni Robert B. Roque, Jr.

‘Di holiday ngayon; tanungin n’yo pa si JPE

FIRING LINEni Robert B. Roque, Jr. SINITA ng Commission on Audit (COA) ang Department of …

AKSYON AGAD ni Almar Danguilan

‘Wag naman…

AKSYON AGADni Almar Danguilan MATINDI ba ang galit mo kay Quezon City Mayor Joy Belmonte? …

Sipat Mat Vicencio

Mga sama ng loob ni Imee

SIPATni Mat Vicencio KUNG meron mang pinakamalungkot na nilalang sa balat ng lupa ngayon, walang …

Sipat Mat Vicencio

Poe nagulat sa pagkambiyo ni Bongbong sa DDR

SIPATni Mat Vicencio NABUHAYAN ng loob ang maraming senador kabilang na si Senator Grace Poe, …

Krystall Herbal Oil

Manugang mabilis na nanganak dahil sa Krystall Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,                Ako po …