Ping-Sotto tandem ‘di suportado ng GMA—Wala silang kakampihan at lagi silang neutral

Jun Nardo September 24, 2021 Entertainment, Television

I-FLEX
ni Jun Nardo

NILINAW ni Senate President Tito Sotto na hindi suportado ng GMA Network ang tandem nila ni Senator Ping Lacson as running mate sa President and Vice President sa 2022 elections.

May coverage sa limang channels ng Kapuso Network ang proclamation nila na tumagal ng thirty minutes.

“Hindi kami suportado ng GMA. Sarili namin ‘yun (gastos). Hindi mo sila maasahang may susuportahan o kakampihan dahil ang GMA laging neutral ‘yan,” pahayag ni Senate President sa Kumustahan zoom sa press. “It’s so happen na nakakuha kami ng 30 minutes sa GMA 7,” sambit pa ni Sotto.

Bilang suporta naman sa movie industry na pinagmulan din ni Sotto, may mga nakalinya na siyang batas na ginawa at naghihintay ng approval gaya ng pag-regulate ng mga kumakalat na fake news sa social media.

Pagdating naman sa asawang si Helen Gamboa, maayos na ang kalagayan niya at nagti-Tiktok na rin kasama ang anak na si Ciara.

Katatapos lang nilang mag-celebrate ng 52^nd wedding anniversary.