Tuesday , April 23 2024
DoLE, Bulacan

Bulacan, DOLE sanib-puwersa para sa ayuda (Para sa higit 400 benepisaryo)

SA PANGUNGUNA ng Department of Labor and Employment (DOLE) at sa pakikipagtulungan ng pamahalaang panlalawigan ng Bulacan sa pamamagitan ng Provincial Youth, Sports and Public Employment Service Office (PYSPESO), nabigyan ang 497 Bulakenyo ng ayuda at tulong pangkabahuhayan.

Sa idinaos na Singkaban Festival kamakailan, nakapaloob rito ang mga programa ng DOLE at PYSPESO na 227 ang napagkalooban ng Tulong Panghanapbuhay sa Disadvantaged/Displaced Workers (TUPAD) payout; 210 indibidwal ang sumailalim sa DOLE Integrated Livelihood Program (DILP); 50 estudyante na nagtapos para sa Special Program for Employment of Students (SPES); at ipinagkaloob ang 10 bisikleta at cellphone sa 10 piling manggagawang Bulakenyo para sa kanilang paghahanapbuhay katulad ng ibang transportation delivery service.

Gayondin, kabilang sa ibinabang ayuda sa 210 DILP ang mga sumusunod: 50 benepisaryo para sa hilot wellness massage kit; 50 indibidwal ang binigyan ng welding machine; 50 katao para sa mga gamit sa food processing; 40 sewing machines starter kit; tatlong Negokart para sa indigenous people ng Brgy. San Mateo, Norzagaray at 20 indibidwal para sa oven machine.

Samantala, tumanggap ng P4,200 ang bawat benepisaryo ng TUPAD na kabilang sa kumikita ng maliit na sahod o vulnerable na sektor habang P6,300 sa SPES.

Pinangunahan nina Gob. Daniel Fernando, Bokal Alexis Castro at DOLE Bulacan Chief May Lynn Gozun ang nasabing programa.

Ani Fernando, “Purihin ang Diyos! Again, Lord, thank you sa mga grasyang ibinaba Ninyo sa amin. Maraming salamat sa ating Labor Secretary Silvestre H. Bello III at ating Senador Joel Villanueva na laging nakasuporta sa lalawigan ng Bulacan. Para po sa mga benepisaryo, sinupin at paunlarin po sana ninyo ang mga tulong na inyong natanggap para po sa ikabubuti ng inyong kabuhayan at pamilya. Patuloy po tayong magdasal, magpakatatag at malalampasan din natin ang mga pagsubok na ito.” (MICKA BAUTISTA)

About Micka Bautista

Check Also

fire dead

Nanay naghanap ng kahoy para panggatong
2 PASLIT NA MAG-UTOL NAABO SA SUMABOG NA TANGKE NG LPG

SILANG, CAVITE — Masusing iniimbestigahan ang pagkamatay sa sunog ng magkapatid na paslit base sa …

Ejay Falcon Alan Peter Pia Cayetano ORIENTAL MINDORO

Mga Cayetano, nagpaabot ng tulong  
1,650 BENEPISARYO, 50 TESDA SCHOLARS PARA SA ORIENTAL MINDORO

UMABOT sa 1,650 benepisaryo mula sa iba’t ibang sektor at distrito sa Oriental Mindoro ang …

PCMC MRI and CT scan Pia Cayetano Bong Go

Cayetano nanguna sa pasinaya  
STATE-OF-THE-ART MRI, CT SCAN EQUIPMENT, ATBP FACILITIES SA PCMC

PINANGUNAHAN ni Senadora Pia Cayetano ang pagbubukas ng Philippine Children’s Medical Center (PCMC) para sa …

Navoteño solo parents cash subsidy

Navoteño solo parents tumanggap ng buwanang cash subsidy

SINIMULAN ng pamahalaang lungsod ng Navotas ang pamamahagi ng buwanang cash subsidy para sa mga …

drugs pot session arrest

4 arestado sa pot-session sa Valenzuela

SWAK sa kulungan ang apat katao matapos mahuli sa akto ng mga pulis na sumisinghot …

Leave a Reply

Your email address will not be published. Required fields are marked *