Friday , March 29 2024
Comelec Bulacan

Mga Bulakenyo, may 11 araw pa para magparehistro

MAY nalalabi pang 11 araw upang magparehistro ang mga Bulakenyo bago ang huling araw ng pagpaparehistro sa 30 Setyembre.

Nanawagan si Gob. Daniel Fernando sa lahat ng mga Bulakenyong hindi pa rehistrado na kunin ang pagkakataong gamitin ang kanilang karapatang pumili ng mga susunod na mamumuno sa lalawigan ng Bulacan at sa bansa.

“Sa mga hindi pa nakapagpaparehistro, magparehistro na po kayo. Gamitin po natin ang ating karapatang bumoto at pumili ng mga lingkod bayan na makatutulong sa higit na ikatatagumpay ng ating pamahalaan, lipunan at komunidad,” ani Fernando.

Base sa Commission on Elections (COMELEC), ang pagpaparehistro sa Bulacan, na nasa ilalim ng modified enhanced community quarantine (MECQ), ay bukas mula Lunes hanggang Sabado kabilang ang mga holiday mula 8:00 am hanggang 5:00 pm sa Office of the Election Officer o satellite registration sites habang ang mga nasa ilalim ng MECQ at general community quarantine (GCQ) ay bukas hanggang 7:00 pm.

Upang makapag­pa­rehistro, maaaring bisi­tahin ang https://irehistro.comelec.gov.ph/ o magtungo sa tanggapan ng COMELEC. Makikita ang iskedyul ng rehistro­han sa mga satellite registration website nito na www.comelec.gov.ph o [email protected].

Ayon sa COMELEC, ang pagpaparehistro ay kailangan sa lahat ng kalipikadong Filipino na nais bomoto sa eleksiyon sa Filipinas sa ilalim ng Republic Act No. 8189. Sang-ayon dito, isang beses lamang kina­kailangang magpare­histro ngunit kung lilipat ng tirahan ay mangyaring mag-aplay ng paglipat ng kanyang tala ng rehistro.

Sa nasabing website, nakasaad ang mga kali­pikasyon upang makapag­parehistro ang isang Filipino kabilang ang edad na 18 anyos bago sumapit ang araw ng eleksiyon (Mayo 9, 2022); residente ng Pilipinas nang hindi kukulangin sa isang taon, at residente ng iyong barangay ng hindi kuku­langin sa anim na buwan.

 (MICKA BAUTISTA)

About Micka Bautista

Check Also

Seguridad sa mga simbahan para sa bisita iglesa tiniyak ni MPD chief

Seguridad sa mga simbahan para sa bisita iglesa tiniyak ni MPD chief!

PERSONAL na naglibot sa ibat-ibang Simbahan si MPD Director PBGen Arnold Thomas Ibay at ininspeksyon …

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Leave a Reply

Your email address will not be published. Required fields are marked *