Tuesday , January 31 2023
Sipat Mat Vicencio

Dalawang babaeng ‘bagahe’ sa kandidatura ni Bongbong

SIPAT
ni Mat Vicencio

HALOS dalawang linggo na lamang at magsisimula na ang filing ng Certificate of Candidacy (COC), mula Oktubre 1 hanggang 8, sa lahat ng tatakbong kandidato para sa May 9, 2022 elections.

Isa si dating Senator Bongbong Marcos ang siguradong magtutungo sa Commission on Elections (COMELEC) para maghain ng kanyang kandidatura.  At umaasa ang kanyang loyal supporters na sa pagkapangulo ang kanyang ipa-file na COC.

Malakas ang laban ni Bongbong kung tatakbo man siya bilang presidente sa darating na halalan. Hindi matatawaran ang makinarya at organisasyon ng pamilyang Marcos lalo ang pondong ilalaan o gagamitin nito sa halalan.

Bukod sa campaign fund contribution na inaasahang dadagsa sa kanyang kandidatura, ang suporta at boto na magmumula sa tinatawag na ‘solid north’ ay tiyak kasado na, kabilang din ang tulong ng mga botante sa balwarte ng kanyang inang si Imelda sa Kabisayaan.

Ngayon pa lang, dapat na sigurong kabahan ang mga politikong makababangga ni Bongbong, maging si Senator Ping Lacson man ito, si Senator Manny Pacquiao, si Manila Mayor Isko Moreno o kahit na si Davao City Mayor Sara Duterte-Carpio.

Kung ikokompara ang pangalan ng mga politikong lumulutang sa pagkapangulo, walang alinlangan na masasabing nakalalamang o nakauungos si Bongbong.  

Pero ang hindi alam ng nakararami, ang sakit ng ulo na pinagdaraanan ni Bongbong kapag kumakandidato ito lalo kung sumasapit ang kasagsagan ng kampanya.

Dalawang babae kasi na pawang malapit kay Bongbong ang laging nagbabangayan kapag kumakandidato siya, na nagreresulta tuloy ng magulong kampanya bunga ng hindi nila pagkakaunawaan.

Kung mayroon kasing media group si Bongbong na pinakikialaman ng isang babae, hindi naman pahuhuli ang isa pang babae na mayroon ding sariling media group na kanyang pinatatakbo at kusang naglalabas ng press releases.

Ganito kagulo ang nangyayari sa media group na nakatutok kay Bongbong kapag kumakandidato ito at asahang mangyayari na naman ito sa pagtakbo ng dating senador bilang presidente o bise presidente sa darating na eleksiyon.

Ang isyu sa kontrobersiya ng media group ay isa lamang sa hindi pinagkakasunduan ng dalawang nagbabangayang kampo at marami pang usapin ang pinagtatalunan ng dalawang babaeng ito.

Iisa-isahin nating ilabas sa mga susunod na kolum ang mga inaasahang mangyayari hinggil sa gulo ng dalawang babaeng malapit kay Bongbong base na rin sa nangyari nang kumandidato ito bilang senador at bise presidente nitong mga nagdaang halalan.

At sa darating na presidential elections sa 2022, sino kaya ang maghahari sa dalawang babaeng ito?

About Mat Vicencio

Check Also

Dragon Lady Amor Virata

LGUs Laging Walang Pondo

Isumbong mokay DRAGON LADYni Amor Virata SAKIT na yata ng local government units (LGUs) na …

Dragon Lady Amor Virata

Renta sa loob ng police detention cell, buking

Isumbong mokay DRAGON LADYni Amor Virata KAMAKAILAN, nabuking natin ang Pasay City Police na sa …

FIRING LINE ni Robert B. Roque, Jr.

Ang problema ng shortcuts

FIRING LINEni Robert B. Roque, Jr. ANG nakababahalang apela ni Secretary Benhur Abalos sa lahat …

AKSYON AGAD ni Almar Danguilan

Nakalilitong pasahe sa EDSA Bus Carousel, inaksiyonan na Guadiz

AKSYON AGADni Almar Danguilan DISYEMBRE 31, 2022, nagtapos ang maliligayang araw ng mga pasaherong suki …

Dragon Lady Amor Virata

Nasaan na ang listahan ng mga pulis at barangay na sangkot sa illegal drug trade?

Isumbong mokay DRAGON LADYni Amor Virata NOONG panahon ng administrasyon ni Pangulong Rodrigo Duterte, naging …

Leave a Reply