MA at PA
ni Rommel Placente
NOONG Sabado, September 11, ay nag-post si Matteo Guidicelli sa kanyang Instagram account ng video, na proud niyang ibinahaging na-beat niya ang kanyang personal record sa pag-i-squats sa weightlifting.
Ikinuwento niya ring siya ay nagte-train sa ilalim ng athlete na si Arnold Aninion.
Sa post na ito ng mister ni Sarah Geronimo ay nag-comment ang isang basher ng aktor. Tinawag nito si Matteo at ang kanyang coach na copycat clowns at wannabe Hidilyns, na ang tinutukoy ay si Hidilyn Diaz.
Sinagot naman ito ni Matteo ng pabiro. Sabi niya tungkol sa pagtawag sa kanila ni Arnold, ”these clowns are too funny.”
Si Arnond ay sinagot din ang basher. Sabi niya na tila naghahamon, ”talk is cheap. Come over anytime.”
Sa isa pang comment, sinabihan din ni Arnold ang netizen na huwag nang idamay pa si Hidilyn sa gusto niyang sabihin.
Saad ni Arnold, ”’wag mo na e damay si Hidalyn [laughing emoji] speak for yourself na Lang and post your squat then come to me.”
O ‘di ba, talagang hinahamon ni Arnold ang basher nila ni Matteo?
