Thursday , December 2 2021
Harry Roque, University of the Philippines

Harry Roque isinuka ng UP

ISINUKA ng kanyang mismong alma mater na University of the Philippines (UP) si Presidential Spokesman Harry Roque.

Sa isang kalatas, inihayag ng UP Diliman Executive Committee ang nominasyon para maging isa sa 34 na miyembro ng International Law Commission.

“The UP Diliman Executive Committee at its 314th meeting held on 13 September 2021, resolves that it opposes the nomination of former UP Faculty member Atty. Herminio “Harry” Roque, Jr., to the International Commission,” pahayag ng UP Diliman Execom.

Anang UP Diliman Execom, napakasama ng track record ni Roque sa pagsusulong, pagtatanggol at pagganap sa human rights at rule of law partikular sa ilalim ng administrasyong Duterte na nagsisilbi siyang miyembro ng gabinete.

Magiging kasiraan lamang anila si Roque sa ILC imbes makatulong.

“Atty. Roque has a very poor track record of promoting, defending, and fulfilling human rights and the rule of law, especially during the administration of President Rodrigo R. Duterte in which he serves as a cabinet member. Therefore, his inclusion in the Commission would not serve its purposes but instead diminish its reputation.”

Ang kalatas ay gumiba sa ipinagmalaki ni Roque na kasalukuyan siyang nasa New York dahil siya ang nominado ng Filipinas sa ILC bunsod ng pagiging international law expert na itinuro niya sa UP nang 15 taon bilang faculty member at naging director siya ng International Legal Studies sa UP Law Center.

“Now, bagama’t ako po ay nominado ng Filipinas, iyong paghalal po sa akin ay sa aking indibidwal na kapasidad bilang eksperto sa international law. Ito po ang subject na itinuro ko nang 15 taon sa UP, ito rin po ang dahilan kung bakit ako ay naging director ng Institute of International Legal Studies sa UP Law Center at kaya naman po tayo nagkaroon ng nominasyon para rito sa International Law Commission dahil noong kailan lamang po, tayo po ay tumayo bilang presidente ng Asian Society of International Law, ang asosasyon ng lahat ng dalubhasa sa Asya,” sabi ni Roque sa virtual Palace press briefing noong Lunes.

Kinontra rin ng Free Legal Assistance Group (FLAG) ang nominasyon ni Roque sa ILC dahil isa siyang “political partisan who has actively demonstrated contempt for the rule of law and has undermined the supremacy of human rights and international law.”

Ayon sa FLAG, si Roque bilang tagapagsalita ni Pangulong Rodrigo Duterte na inireklamo ng crimes against humanity sa International Criminal Court (ICC) ay malinaw na batayan na hindi siya angkop maging miyembro ng ILC at magiging isang malaking kahihiyan sa komisyon.

Kamakailan ay nag-viral ang video ni Roque na sinisigawan at nilalait ang grupo ng mga doctor sa pulong ng Inter-Agency Task Force nang hilingin nilang huwag munang isailalim sa general community quarantine (GCQ ) ang Metro Manila dahil tumataas pa ang kaso ng CoVid-19 sa rehiyon. (ROSE NOVENARIO)

About Rose Novenario

Check Also

Rida Robes Disney Savano Park CSJDM San Jose Del Monte Bulacan

Paskong masaya sa CSJDM, Bulacan

SA PAGNANAIS mabigyang kasiyahan ang mga residente ng San Jose Del Monte City, Bulacan, inilunsad …

e-sabong National Children’s Month

Negatibong epekto ng e-Sabong sa estudyante at pamilya ipinaliwanag ng lady solon

NANAWAGAN si Taguig 2nd District Rep. Lani Cayetano sa pamahalaan at publiko hinggil sa kahalagahan …

Benhur Abalos MMDA

Number coding scheme (UVVRP) muling ipatutupad ng MMDA

MULING ipatutupad ngayong araw ng Miyerkoles, 1 Disyembre 2021, ng Metropolitan Manila Development Authority (MMDA) …

Kalayaan Pagasa Deped

Sa Pag-asa Island, Kalayaan
ELEMENTARY & HS INTEGRATED SCHOOL SA PAG-ASA ISLAND, APRUB SA DEPED

NABIGYAN ng pag-asa para sa isang maayos na buhay ang kabataan ng Pag-asa Island sa Kalayaan …

Sa Malabon
2 TULAK ARESTADO SA P.3-M SHABU

KULUNGAN ang binagsakan ng dalawang tulak ng ipinagbabawal na droga nang makuhaan ng mahigit sa …

Leave a Reply