HATAW! D'yaryo ng Bayan hatawtabloid.com
MATABIL
ni John Fontanilla
PINUSAN ng netizens ang ang Tiktok video na in-upload ni Buboy Villa na pinrank nito si Ruru Madrid.
Sa video ay makikita kung gaano kabuting kaibigan at sobrang generous ni Ruru sa mga taong malapit sa kanya.
Sa prank video makikita ang kunwari’y paghingi ng tulong ni Buboy dahil due date na ng kinuha niyang sasakyan, Mercedes Benz at nangangailangan siya ng P250K.
Pero kalaunan ay sinabing P2.5k na lang ang hihiramin kay Ruru, pero biglang nagsalita ito na dahil kaibigan niya si Buboy at inaanak nito ang anak nito bibigyan niya na lang ng P150K at hindi na kailangang mangutang.
Kaya naman nagulat si Buboy sa sobrang generosity ni Ruru at dito na niya inamin na prank lang ‘yun. Kaya naman natawa na lang si Ruru, pero biniro ni Buboy ang aktor na baka kahit prank lang ay puwede niya kunin ang P150k na dahilan para muling matawa si Ruru.
Marami nga ang nag-comment sa nasabing video na saludo at humanga sa kabaitan ni Ruru na handang tumulong sa nagigipit na kaibigan.
