Wednesday , March 29 2023
Snooky Serna, Mike Magat
Snooky Serna, Mike Magat

Isang Hakbang na tinatampukan ni Snooky Serna, mapapanood sa Mulat Premiere Cinema

ALAM MO NA!
ni Nonie Nicasio

SA ISANG masayang huntahan namin ni katotong Roldan Castro sa online show ni Ms. Catherine Yogi na The Magic Touch, napapanood sa Channel One Global, naibalita sa amin ng aktor/direktor na si Mike Magat ang ukol sa kanilang peli­kulang Isang Hakbang.

Tampok sa pelikulang pinama­halaan ni Direk Mike si Snooky Serna. Nag­bigay siya ng kaunting patikim hinggil sa kanilang movie na mapapa­nood sa CINEMA MULAT MEDIA ang international screening sa Sept. 21 to Oct. 5, 2021. Ang Philippine screening o local screening naman nito ay sa Oct. 6 to Oct. 20, 2021.

Saad ni Direk Mike, “Ito ay isang inspirational story na ang gumanap ay ang award-winning actress na si Ms. Snooky Serna. Napakagaling ng pagganap niya rito at nakatutuwa naman na nabigyan ako ng chance na maidirek siya.

“Ang story nito, bale ukol sa mag-ina na sila na lang dalawa ang natitira sa buhay nila. Tapos ay nagkasakit naman ang nanay, pero sa kabila ng kahirapan nila ay nagpursigi pa rin ‘yung bata.”

Pagpapatuloy ni Mike, “So, makikita rito na hindi hadlang ang kahirapan ng isang kabataan na nag-iisip para sa future o kinabuksan niya, at para maipagamot niya ang kanyang ina.

“So, ang ginawa niya, nagpursigi siyang mag-aral kahit na wala silang pera. So, makikita rito kung ano ba ang ginawa ng bata para makapag-aral, na nagpursigi siya at nanalig sa Diyos. Iyon ang number one roon, iyong pananalig… Iyon ang turo ng kanyang ina e, na manalig tayo sa magagawa ng Diyos dahil walang imposible kapag nanalig ka… at nangangarap ka para sarili mo at sa pamilya mo at mapagmahal kang anak.”

Dagdag niya, “Kapag manonood po kayo nito, magdala kayo ng panyo…. Iyayabang ko na, na maluluha kayo rito. Iyon lang po ang masasabi ko, bigyan n’yo ako ng chance na mapanood ang mga ganitong inspirational film.

“Sasamantalahin ko na po, kami po ay independent producer na gumagawa po ng ganitong istorya. Pero posible naman kaming lumaking producer at gumawa ng mga pelikula kung susuportahan n’yo kami sa pamamagitan ng panonood ninyo. Kung mga international film ay nasusuportahan po ninyo, na napapanood natin sa online… so, how much lang naman ito kung inyong panonoorin?

“Kapag naging successful naman po itong Isang Habang, wala naman kaming gagawin kundi ang gumawa nang gumawa ng peklikula. At ang makikinabang ay ang ating industriya po, mga artista po na ngayon ay nagsa-suffer na dahil sa kahirapan dahil sa pandemya.”

Idiniin ni Direk Mike na makabuluhan ang kanilang pelikula at kapupulutan ng aral.

“May moral values na mapapanood sa pelikulang ito, so eto po iyon, kaya i-push sana natin sa ating mga anak na mapanood ito para sila ay mamulat,” sambit ni Direk Mike.

Bukod kay Snooky, tampok din sa pelikulang Isang Hakbang sina Miguel Antonio, Ricardo Cepeda, Buboy Villar, Alyssa Soriano, Jaycee Parker, Shyr Valdez, at Mike Magat.

Ito ay hatid ng Sonza Entertainment Productions na ang producer ay si Ms. Sherielene S. Sonza, ang Executives Producers ay sina Mike Magat at Alfe Soriano.

Ang tickets para sa pelikulang ito ay available sa CINEMA MULAT MEDIA.

Kabilang sa mga awards at pagkilala na nakamit ng Isang Hakbang ay sa International Film Festival Manhattan-Honorable Director Mike Magat, Subic Bay International Film Festival, winner Best Ensemble, at sa NCCA SIFFMP Certificate of Participation, Honorable Mention.

About Nonie Nicasio

Check Also

Romm Burlat Pira-Pirasong Pangarap

Direk Romm, biggest project ang Pira-Pirasong Pangarap

ALAM MO NA!ni Nonie Nicasio IPINAHAYAG ni Direk Romm Burlat na ang pelikulang Pira-Pirasong Pangarap …

Rhea Tan Beautéderm

Beautéderm, Rhea Tan, local endorsers, magkatuwang sa adbokasiya para sa single mothers, senior citizens, at underprivileged children

ALAM MO NA!ni Nonie Nicasio ANG businesswoman na si Rhea Anicoche-Tan ay halos 15 years na sa skincare industry. …

Direk Brillante ‘di inakalang sisikat si Coco

RATED Rni Rommel Gonzales SI Brillante Mendoza ang direktor ng Masahista noong 2005, ang pelikulang ito ang pinakaunang lead …

Krista Miller Nika Madrid Andrew Gan

Krista Miller nanligaw ng babae

RATED Rni Rommel Gonzales PASABOG ang rebelasyon ni Krista Miller na siya ay nanligaw na ng babae. …

Kathryn Bernardo Dolly de Leon

Kathryn bibida sa A Very Good Girl kasama sa Dolly de Leon

MA at PAni Rommel Placente INANUNSIYO ni Kathryn Bernardo sa ABS CBN Star Cinema YouTube noong Lunes, na gagawa …

Leave a Reply

Your email address will not be published. Required fields are marked *