Sunday , May 22 2022
PH President

Next PH president, May respeto, ‘di butangera

090821 Hataw Frontpage

HATAW News Team

TAPOS na ang Filipinas sa lider na palamura at hindi na dapat sundan ng isa pang lider na butangera.

Ito ang reaksiyon ni National Center for Commuter Safety Protection Chairperson Elvira Medina sa posibilidad ng pagtakbo sa 2022 Presidential election ni Davao City Mayor Sara Duterte.

Aniya, kompiyansa siyang hindi mananalo sa eleksiyon ang babaeng alkalde resulta ng palpak na administrasyon ng kanyang ama.

Sa sektor umano ng commuters, wala nang makukuhang suporta ang alkalde dahil sa ilalim ng Duterte administration ay hindi lang kalbaryo kundi purgatoryo ang naging karanasan nila dahil sa pagbabawal na makabiyahe ang provincial buses sa Metro Manila.

“Napakahirap ng buhay ng isang commuter ngayon at walang ginagawa ang pamahalaan,” pahayag ni Medina.

Inihambing ni Medina sa isang maruming bahay ang pamamahala ni Pangulong Duterte at tiyak umano na ito rin ang susundang yapak ni Mayor Sara.

Aniya, hindi makatutulog ng mahimbing ang mga Filipino dahil sa maruming pamamahay, kung nais umano ng administrasyon na maayos ang pagtakbo ng gobyerno, unahin nitong linisin ang kanyang tahanan.

“Mayroon kang isang ama na walang ginawa kundi magmura, maghamon. Imbes sabihin sama-sama tayong maglinis,” diin ni Medina.

Malaki ang pananampalataya ni Medina na pagkaraan ng termino ng administrasyong Duterte ay aangat muli ang Filipinas at mangyayari ito kapag hindi manalo si Mayor Sara.

“Hindi kailangan ng butangera. Ang kailangan is a person with respect. It is all over the videos, it is all over the place, their naughtiness. Nakita mo kung paanong mambubugbog sa isang tao na in authority. Kailangan ba natin ng taong ganoon na butangera. I mean, show your intelligence, show your respect to the people, show your love for authority because that is one of the virtues that God has given to his people,” paliwanag ni Medina.

Nanindigan si Medina, hindi kailangan ng bansa ng isang gobyerno na umiikot sa patayan bagkus ang kailangan ng FIlipinas ay pag-asa.

“Pag-asa, hindi bala, ‘yan ang isa sa mga battlecry namin, ngiti sa labi hindi luha ng pighati. We need to give our people hope because most of them have lost their hope,” dagdag ng lider ng mga commuters.

Naniniwala din si Medina, dapat humingi ng patawad si Pangulong Duterte sa mga nangyaring patayan sa bansa sa loob ng kanyang termino.

“President Duterte should bow down to the Lord ask for His forgiveness so that the Lord can refresh people, the land and exonerate the people,” pagtatapos ni Medina.

About hataw tabloid

Check Also

shabu

P3.4-M shabu ‘nasamsam’ sa 3 biyahero, 5 tulak timbog

NAKOMPISKA ng mga awtoridad ang tinatayang P3,400,000 halaga ng hinihinalang shabu sa tatlong suspek sa …

shabu drug arrest

P.25-M droga nasabat 2 tulak tiklo sa Rizal

UMAABOT sa 31 gramo ng hinihinalang shabu ang nakompiska ng mga tauhan ng Provincial Intelligence …

Gun Fire

Road rage nauwi sa barilan
TRUCK DRIVER PATAY SA ISABELA

ISANG truck driver ang binawian ng buhay matapos barilin ng dalawang hindi kilalang suspek sa …

fire sunog bombero

Umabot sa 4th alarm,
BASECO COMPOUND TINUPOK NG APOY

TINUPOK ng apoy ang isang residential area sa Baseco Compound sa Port Area, sa lungsod …

Martin Romualdez

Martin Romualdez, Rida Robes, Johnny Pimentel, Reggie Velasco, Aurelio Gonzales

TINUGUNAN ni House Majority Leader at Leyte Rep. Martin Romualdez ang mga katanungan mula sa …

Leave a Reply