Sunday , October 24 2021
FIRING LINE ni Robert B. Roque, Jr.
FIRING LINE ni Robert B. Roque, Jr.

Bagong estratehiya vs CoVid-19

FIRING LINE
ni Robert B. Roque, Jr.

SIMULA bukas, papalitan na ng gobyerno ang estratehiya nito sa pagkontrol sa hawaan ng CoVid-19. Kontra sa pinakamabangis sa lahat ng CoVid variants – ang “Delta,” ipapahinga na ng mga tumutugon sa pandemya ang “complete-lockdown formula” ng ECQ o enhance community quarantine.

Dahil sa “solusyong ECQ,” maraming negosyo ang nagkandalugi at dumami pa ang mga Filipino na nawalan ng trabaho. Bukod dito, ang ayuda para sa mga pamilyang nananatili lang sa bahay ay halos sumaid na sa pambansang budget.

Kapalit nito, ipatutupad ang ‘granular lockdowns’ sa Metro Manila upang subukan ang ideya ng pagtatakda ng limitasyon sa paglabas-labas batay sa rami ng kaso sa kada lugar – kahit pa iyon ay kalye, subdibisyon, barangay, o isang buong siyudad. Sa pamamagitan nito, ang aktibidad na pang-ekonomiya ng isang siyudad, halimbawa, ay hindi mapeprehuwisyo ng paglobo ng mga kaso sa ilang mga barangay nito.

Hindi naman bago ito para sa Quezon City, na nagawa nang “simulan” ang estratehiyang ito. Kinompirma ng butihing alkalde, si Joy Belmonte, ang pagiging epektibo nito sa pagkontrol sa hawaan ng CoVid-19 sa isang partikular na lugar.

Sa kasalukuyan, pataas ang reproduction rate, at ang araw-araw na bagong kaso ng CoVid-19 ay tinatayang aabot sa 30,000 sa pagtatapos ng buwang ito. Sakaling maging epektibo ang bagong quarantine strategy na ito sa Metro Manila – ang sentro ng hawaan – umasa tayong hindi aabot ang bansa sa ganoon kalaking bilang hanggang sa 30 Setyembre.

Samantala, mayroong 50 milyong doses ng bakuna ang gobyerno sa ngayon at dapat na ubusing lahat ang supply na ito bago muling magdatingan sa bansa ang mahigit 50 milyon pang doses sa susunod na buwan.

Bagong estratehiya na rin lang ang usapan, sumasang-ayon ako sa Union of Local Authorities of the Philippines (ULAP) na dapat payagan ng mga awtoridad ang pagpapabakuna sa mga gustong agad maturukan kahit na hindi sila kabilang sa kategorya ng mga pangunahing prayoridad basta matiyak lang na magagamit lahat at hindi masasayang ang mga temperature-sensitive vials vaccines.

Hindi natin sinasabing balewalain na lang ang priority list. Pero sakaling, sa alinmang dahilan, ay hindi sumipot ang mga miyembro ng prayoridad na sektor, tulad ng matatanda at mga may sakit, sa appointment nila sa pagpapabakuna, makatwiran lang na ibigay ang mga bakunang ito para maprotektahan ang malulusog na manggagawang araw-araw lumalabas ng bahay para magtrabaho at may malaking posibilidad na maipasa ang virus sakaling dapuan sila nito.

*              *              *

SHORT BURSTS. Para sa mga komento o reaksiyon, mag-email sa [email protected] o mag-tweet sa @Side_View.

About Robert B. Roque, Jr.

Check Also

Bulabugin ni Jerry Yap

Dumausdos sa survey
‘TVC’ NI YORME DAPAT PALITAN

BULABUGINni Jerry Yap HINDI patok sa masa ang TV ads ni Manila Mayor Francisco “Isko …

Bulabugin ni Jerry Yap

Presyo ng langis sumirit energy secretary Al Cusi, anyare?

BULABUGINni Jerry Yap HINDI lang pala kalihim ng enerhiya at political party executive si Secretary …

Balaraw ni Ba Ipe

Dalawang kriminal

BALARAWni Ba Ipe HAYAAN na magbalik tanaw sa kasaysayan. Hayaan na talakayin ang kuwento ng …

Usaping Bayan ni Rev. Fr. Nelson Flores, MSCK, JD

Idalangin natin ang kaharian ng Diyos dito sa lupa

USAPING BAYANni Rev. Fr. Nelson Flores, MSCK, JD. NAKALULUNGKOT na ang ating lipunang ginagalawan ay …

Bulabugin ni Jerry Yap

SENATORIAL SLATE NG BAWAT PARTIDO ‘NAMUMUTIKTIK’ NA POLITICAL BUTTERFLY

BULABUGINni Jerry Yap MUKHANG walang buong line-up ang bawat partido politikal na sasabak sa eleksiyon …

Leave a Reply