Monday , April 15 2024
TUCP, MAG, Rodrigo Duterte, Sara Duterte
TUCP, MAG, Rodrigo Duterte, Sara Duterte

TUCP, MAG, umalma sa palpak na gov’t (Suporta sa mag-amang Duterte bokya)

HATAW News Team

RAMDAM sa buong mundo ang hagupit ng CoVid-19 pandemic, ngunit hindi ito dapat gawing palusot ng adminsitrasyong Duterte sa nararanasang virus surge sa Filipinas resulta ng kahinaan ng gobyerno.

Kapwa inihayag ng labor group na Trade Union Congress of the Philippines (TUCP) at health group na  Medical Action Group (MAG), mayroong pondo  para sa ayuda at pambili ng medical supplies ngunit hindi nakararating sa tao dala na rin ng korupsiyon at kapabayaan ng administrasyon.

“Eto ang problema ngayon. Kulang na nga ng ayuda, marami ang walang trabaho, may trabaho man pero underemployed, kulang ang sahod, kulang ang oras ng pagtatrabaho. No’ng nag-lockdown, kulang ang ayuda, hindi sapat. Iba-iba, magkakaiba ang listahan ng DSWD, LGU at barangay. Ang daming issues, maraming challenges para sa mga manggagawa lalong lalo sa panahon ngayon – ang ating gobyerno especially ‘yung nasa Executive department at sa Senado, nagkakagulo. Hindi sila magkasundo” paliwanag ni TUCP Spokesperson Allan Tanjusay  na inaming “dissatisfied” ang majority ng hanay ng mga manggagawa sa Duterte administration.

Gayondin ang sentimiyento ni MAG Chairperson Dr. Nemuel Fajutagana, aniya, nakababahala ang pinakabagong surge ng virus. Sa 22,000 daily cases ay nakatatakot magkaroon ng pag-collapse sa healthcare system na sinundan pa ng mass resignation ng healthworkers.

“Napaka-ironic, tayong bansa na kilala sa buong mundo bilang highest or the biggest supplier of nurses in the world and second biggest supplier of doctors in the world ay nagsa-suffer ngayon sa kakulangan.”

Pinuna  ni Fajutagana na nagagawa ni Pangulong Duterte na iutos na wala nang bidding sa pagbili ng bilyong medical supplies na pumapabor sa malalapit na kaibigan ngunit pagdating sa benefits ng heath workers ay ang daming rason.

“Bakit nade-delay ito samantala sa isang click lang ng finger ni President Duterte ay nare-release ‘yung bilyones para sa isang purchase ng PPE na inamin mismo ni Presidente Duterte na walang bidding dahil siya mismo ang nag-order. Ibig sabihin kung kaya niyang gawin ‘yun, ganoon lang pero bakit hindi magawa para sa ating health frontliners” ani Fajutagana.

Iba’t ibang trade union workers din ang nagsama- sama para wakasan na ang Duterte era, ito ay kasunod ng inaasahang pagtakbo sa 2022 presidential election ni Davao Mayor Sara Duterte.

Iginiit ng grupong Alliance of Labor Leaders for Leni Robredo at Labor Agenda na hindi na papayagan ng taongbayan na ipagpatuloy ni Mayor Sara ang kapalpakan ng kanyang ama, malinaw umano na kung ito ang mauupo ay parehas na kalbaryo sa loob ng  anim na taon din ang sasapitin ng mga Filipino.

“Workers do not deserve to suffer six more years of the same brand of politics. The reign of Duterte and his minions must come to an end,” pagtatapos ng grupo.

About hataw tabloid

Check Also

Rochelle Pangilinan

Rochelle inamin nakaramdam ng insecurity nang palitan sila ng EB Babes

MA at PAni Rommel Placente SA interview ni Rochelle Pangilinan sa Toni Talks ni Toni Gonzaga, inamin niyang nasaktan sila …

Isko Moreno

Yorme Isko tiniyak ‘di na tatakbo sa halalan 2025

I-FLEXni Jun Nardo SARADO na ngang talaga ang pinto ng politika kay Isko Moreno Domagoso kahit nasa …

COPA Swim Series Leg 3 RMSC Eric Buhain

COPA Swim Series Leg 3 sa RMSC

TULOY ang pagtuklas sa mga bagong talento sa isasagawang National Capital Region (NCR) One For …

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Bulacan Police PNP

P240k ilegal na droga kompiskado; 11 pasaway arestado

INILUNSAD ng pulisya sa Bulacan ang pinaigting na operasyon na nagresulta sa pagkakompiska ng ilegal …

Leave a Reply

Your email address will not be published. Required fields are marked *