Sunday , February 25 2024
Tito Sotto, Ping Lacson, Matteo Guidicelli, Mattruns
Tito Sotto, Ping Lacson, Matteo Guidicelli, Mattruns

Pag-rescue ni Ping sa mag-utol na kidnap victims binalikan ni Matteo

SHOWBIZ KONEK
ni Maricris Valdez Nicasio

HINDI maitatangging pampelikula ang kuwento ng magkapatid na batang kinidnap noong 1994 at nailigtas sa tulong ni Senador Ping Lacson, na pinuno noon ng anti-kidnapping task-force.

Habang nagkukuwento si Kathryn Bellosillo sa Mattruns podcast ni Matteo Guidicelli sa nangyari sa dalawa niyang anak, isang pamangkin, yaya, at driver, parang nakikinig ng story line ng isang action-drama-suspense movie.

Nainterbyu si Kathryn dahil sa mental health ang usapan na tinalakay din doon ang after effect ng kidnapping sa isa sa mga anak niya at sa kanya mismo dahil sa trauma.

Ani Kathryn, humingi siya ng tulong sa kaibigan niyang pari, si Fr. Sonny Ramirez para ipagdasal ang kanyang mga anak at mga kasama nito.

Si Fr. Ramirez ang naghikayat kay Kathryn na lumapit kay Ping. Noong una, ayaw ng ina dahil bilin ng mga kidnaper na huwag magsusumbong sa mga pulis.

Pero hindi naman siya nagkamali ng pasya dahil after nine days, (kasama ang dasal) ligtas na nasagip ng grupo ni Ping ang mga anak ni Kathryn at mga kasama nila. At nahuli ang dalawa sa mga kidnaper at nakulong.

Hindi lang kami aware kung naisama na sa mga pelikulang ginawa sa buhay ni Lacson ang pagsagip sa mga batang iyon na ngayon ay malalaki na at nakapag-asawa na.  At malamang, kung manalong presidente si Ping sa 2022 elections, hindi lang sangkot sa droga ang manginginig sa takot kundi pati ang mga kidnaper.

Samantala ang Official Announcement of Candidacy nina Ping at Tito ay magaganap sa Sept. 8, 2021, Miyerkoles, 11:00am sa Ping Lacson Official Facebook Page https://m.facebook.com/PingLacsonOfficial. Mapapanood din ito sa lahat ng major TV network at sa mga Facebook News Pages.

About Maricris Valdez Nicasio

Check Also

Zara Lopez Reece Sapphire

Zara Lopez focus sa pagiging ina kina Reece at Sapphire,  tuloy pa rin as vlogger/influencer

ALAM MO NA!ni Nonie Nicasio MARAMI ang nagulat nang naghiwalay nang landas sina Zara Lopez …

Caleb Santos Jose Mari Chan Hazel Faith

Caleb Santos excited makasama si Jose Mari Chan

MATABILni John Fontanilla EXCITED ang singer, actor na si Caleb Santos na makasama sa konsiyerto ang mahusay …

Nadine Lustre

Nadine patok ang pa-two piece habang nakahiga sa kama

MATABILni John Fontanilla TRENDING sa social media ang larawang ipinost ni Nadine Lustre sa kanyang Instagram account. Isang black …

Lolit Solis Kathniel

Lolit pinayuhan KathNiel fans mag-move on kasabay ng kanilang mga idolo

MA at PAni Rommel Placente AWARE si Lolit Solis na hanggang ngayon ay hindi pa nakaka-move on …

Janice de Belen Snooky Serna Sharon Cuneta Gabby Concepcion

Janice kay Gabby—Wala akong galit, we’re friends; Sharon nag-sorry

MA at PAni Rommel Placente SA guesting ni Janice de Bellen sa YouTube channel ni Snooky Serna ay binalikan …

Leave a Reply

Your email address will not be published. Required fields are marked *