Tuesday , July 23 2024
NAGSAGAWA ng malawakang protesta ang healthcare workers mula sa iba’t ibang pagamutan kasama ang ilang grupo na sumusuporta sa kanila sa martsang inumpisahan sa Sta. Cruz, Maynila patungo sa tanggapan ng Department of Health (DOH). Hawak ang mga plakard at ilang pampaingay, nanawagan ang health workers na agarang magbitiw si Health Secretary Francisco Duque III, sa kanyang labis na kapabayaan, walang kakayahang mamuno, hindi mabisang pagtugon sa CoVid-19 pandemic, at ‘di agarang pagbibigay ng kanilang mga benepisyo. (BONG SON)

Mas maraming healthcare workers sama-samang nagprotesta vs DOH (National Day of Protest inilunsad)

INILUNSAD ng mga healthcare workers ang kanilang kilos protesta kahapon at tinawag itong National Day of Protest, sa labas ng Department of Health (DOH) Central Office sa Sta. Cruz, Maynila upang kalampagin ang kagawaran na ibigay sa kanila ang mga benepisyong matagal nang nakabinbin.

Suot ang kanilang mga PPE (personal protective equipment) habang bitbit ang mga plakard at mga latang walang laman, sama-samang kinondena ng mga healthcare worker ang pamahalaan sa hindi nito pagbabayad sa kanila ng kanilang CoVid-19 benefits.

Ayon kay Filipino Nurses United (FNU) National President Maristela Abenojar, bukod sa special risk allowance (SRA), hindi pa rin ibinibigay sa kanila ang kanilang hazard duty pay, life insurance, meals, accommodation, and transportation allowances; kompensasyon para sa mga health workers na nagkaroon ng mild, moderate, severe o critical CoVid-19; at ang kompensasyon para sa mga pamilya ng mga namatay na health workers dahil sa pandemya.

Dagdag ni Abenojar, sa inilabas na P311 milyon ng pamahalaan para sa SRA, tanging 20,000 health workers ang makikinabang dito, malayo sa kanilang bilang na 500,000.

Aniya, lahat ng mga healthcare worker ay nararapat na makatanggap ng SRA.

Sa ilalim ng Bayanihan 2 o Republic Act No. 11494 “Bayanihan to Recover As One Act,” ang SRA ay ibibigay sa mga pampubliko at pribadong health workers na direktang nangangalaga sa pasyenteng may CoVid-19.

Isinisigaw din ng nagpoprotestang healthcare workers, itinuturing na frontliners simula nang magsimula ang pandemya noong 2020, ang pagbibitiw ni Health Secretary Francisco Duque III.

Pahayag ni Alliance of Health Workers (AHW) National President Robert Mendoza, tapos na ang deadline ng DOH sa pagbibigay ng kanilang SRA at nararapat na magbitiw si Duque at papanagutin sa kanyang pagwawalang bahala sa kalusugan at kaligtasan ng healthcare workers.

Ani Mendoza, hindi na ‘fit’ si Duque upang pamunuan ang DOH at kung may delicadeza siya, dapat ay bumaba na siya sa kanyang puwesto.

Gayondin, sinabi ni AHW Secretary General Benjamin Santos, ang kanilang kilos protesta ay sumisimbolo sa panawagan para sa katarungan.

Aniya, ang kanilang laban ay hindi lamang isyung pang-ekonomiya ngunit laban ito para sa katarungan dahil nilalabag ng DOH ang kanilang karapatang matanggap ang benepisyong itinakda ng batas.

        “Sobra nang panloloko sa healthcare workers ang ginagawa ng mga ahensiyang ito ng gobyerno. Ang mga pangakong benepisyo ay laging napapako,” pahayag ni Jao Clumia ng St. Luke’s Medical Center Employees Association.

“Ang kalagayan ng healthcare workers ay maihahalintulad sa isang pasyenteng dinala sa emergency room pero iniwang nakahandusay hanggang mag-expire o mamatay,” dagdag niya.

Sinabi ni Abenojar, patuloy nilang ipaglalaban ang makatarungang sahod at mga benepisyo, pati ang makataong kondisyon sa pagtatrabaho.

Sa kabila man ng kanilang pinagdaraanan, patuloy ang pag-aalaga ng healthcare workers sa kanilang mga pasyente, dagdag ni Mendoza.

About hataw tabloid

Check Also

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …

Leave a Reply

Your email address will not be published. Required fields are marked *