Wednesday , December 1 2021

Bentahan ng parol sa Pampanga umarangkada na (Sa pagpasok ng ‘BER months’)

NAGSIMULA nang umarangkada ang bentahan ng parol sa Pampanga, ang tinaguriang Christmas Capital of the Philippines sa pagsisimula ng BER months.

Sinimulan nang i-display ng mga gumagawa ng parol ang kanilang mga tinda, na may iba’t ibang laki at may disenyong tala, poinsettia, reindeer, at iba pa.

Karamihan sa mga parol ay ginamitan ng LED lights, na mas matibay at mas matipid sa konsumo sa koryente.

Ngunit kompara sa mga nagdaang taon, matamlay pa ang bentahan ng mga parol ngayon epekto ng pandemya sa lantern industry sa lalawigan.

Ayon sa isang lantern maker, nasa 40 porsiyento ang ibinaba ng kanilang benta dahil sa pandemya.

Gayon pa man, hindi pa rin umano kompleto ang Pasko kung walang mga parol, na mabibili mula P1,000 pataas depende sa disenyo at laki.

Umaasa ang mga lantern maker na matatapos rin ang pandemya at muling mararamdaman ang masayang Pasko.

Ipinagmamalaki ng Pampanga ang industriya ng paggawa ng parol na pinaniniwalaang nagsimula noon pang 1908 at ginawa ni Francisco Estanislao gamit ang kawayan at makukulay na papel de Hapon.

Ang mga parol ay salamin ng katatagan ng mga Filipino at nakaranas man ng dilim, muling sisigla at magniningning, para maiparamdam ang saya sa gitna ng umiiral na pandemya. (MICKA BAUTISTA)

About Micka Bautista

Check Also

Sa kampanya kontra krimen
TULAK, PUGANTE, 14 PA, TIMBOG SA BULACAN

INARESTO ang isang drug suspect, isang pugante, 9 sugarol at limang suspek sa iba’t ibang …

2 kabataan timbog sa pagnanakaw sa construction site

ARESTADO ang dalawa sa tatlong lalaki na pumasok at nagnakaw sa isang construction site sa …

Obrero kritikal sa pananaksak ng tatlong kelot

NASA malubhang kalagayan ang isang obrero makaraang pagtulungang pagsasaksakin ng tatlong lalaki sa Malabon City, …

Win Gatchalian

Sapat na pondo sa SHS financial assistance program giit ni Gatchalian

ISINUSULONG ni Senador Win Gatchalian na mapunan ang kakulangan sa pondo ng Senior High School …

Kiko Pangilinan

Pandemya tapusin mamamayan magbakuna — Pangilinan

NANAWAGAN si vice presidential aspirant Senador Francis “Kiko” Pangilinan sa lahat na huwag sayangin ang …

Leave a Reply