2 motorsiklo nagkabanggaan sa Biliran
DPWH J.O. PATAY PULIS, 1 PA SUGATAN
BINAWIAN ng buhay ang isang job order na tauhan ng Department of Public Works and Highways (DPWH) matapos ang banggaan ng dalawang motorsiklo sa bayan ng Naval, lalawigan ng Biliran, nitong Biyernes ng gabi, 27 Agosto.
Ayon kay P/Maj. Michael John Astorga, nakaangkas ang biktimang kinilalang si Cesar Japay, 62 anyos, sa motosiklong minamaneho ng kanyang kasama nang bumangga sa isa pang motorsiklong minamaneho ni Pat. Rey Lopera sa Brgy. Larrazabal, sa naturang bayan dakong 8:50 pm.
Sa isinagawang imbestigasyon ng lokal na pulisya, lumalabas na nagsasagawa ng surveillance si Pat. Lopera sa nabanggit na barangay sakay ng kanyang motorsiklo nang biglang lumipat sa kanyang linya ang motorsiklo ng mga biktima na naging sanhi ng banggaan.
Dinala sina Pat. Loperia at ang dalawang sakay ng nakabanggaang motorsiklo sa pagamutan.
Samantala, namatay si Japay habang nilalapatan ng lunas sa emergency room ng Biliran Provincial Hospital pasado 9:00 pm.
