HATAW! D'yaryo ng Bayan hatawtabloid.com
BAGSAK sa kulungan ang tatlong drug suspect matapos makompiskahan ng kabuuang P352,036 halaga ng pinaniniwalaang shabu sa buy bust operation ng awtoridad sa Pasay City nitong Miyerkoles.
Kinilala ni Pasay City police chief, Col. Cesar Paday-os ang mga suspek na sina Joseph Alverio y Suñiga, alyas Boss Diego; Joseph Morales y Mojica; at Charlita Morales y Mones, pawang nasa hustong gulang at residente sa nasabing lungsod.
Sa ulat ni P/SMSgt. Jonathan Bayot, imbestigador, isang buy-bust operation ang ikinasaa ng mga operatiba ng Station Drug Enforcement Unit (SDEU) sa Tolentino Street , L. Medina, Brgy. 123, Zone 12, Pasay City na ikinaaresto ng mga suspek.
Nakompiska sa tatlong suspek ang dalawang medium plastic sachet at isang maliit na pakete na naglalaman ng tinatayang 51.77 gramo ng shabu, wallet, at P1000 buy bust money.
Nakakulong ang mga suspek sa custodial facility ng pulisya at sasampahan ng kasong Comprehensive Dangerous Drugs Act of 200w sa Pasay Prosecutor’s Office. (JAJA GARCIA)
