Janine super close sa amang si Monching
Janine Gutierrez, Ramon Christopher, Monching
MA at PA
ni Rommel Placente
NAKATUTUWANG malaman na close si Janine Gutierrez sa kanyang amang si Ramon Christopher kahit hiwalay ito sa kanyang inang si Lotlot de Leon. Hindi gaya ng ibang aktres na nang maghiwalay ang kani-kanilang magulang ay lumayo na rin ang loob sa kanilang ama.
Hindi na lang ako magbabanggit kung sino-sino sila.
Katibayan ng pagiging malapit ni Janine kay Monching (tawag kay Ramon Christopher) ay noong magdiwang ang ama ng kaarawan noong Sabado, August 14. Binati siya ng dalaga sa pamamagitan ng Instagram account niya.
Pinaabot ni Janine ang kanyang pagmamahal kay Monching at sa pagiging mabuting ama nito sa kanilang magkakapatid.
Post ni Janine sa kanyang Instagram account, “Half of my heart. Happy birthday, papa!!! I always post your pogi pics naman so I hope it’s okay to post these. I love you @monchinggutz!!!!! life with you is the best ride. you make us so happy, obviously. thank you for being the best Papa.”
Ang post na ito ni Janine ay sinamahan niya ng picture na magkasama sila ni Monching noong bata pa siya na karga-karga siya.
