HATAW! D'yaryo ng Bayan hatawtabloid.com
MA at PA
ni Rommel Placente
PINAINIT ng mag-asawang Sarah Lahbati at Richard Gutierrez ang Instagram world matapos mag-post ng kanilang photo.
Sa post ni Sarah, makikita ang matinding laplapan nila ni Richard na may caption na, ”a day on the lake with my faves.”
Napa-comment ang ilang kaibigan ng mag-asawa at isa na rito si Kuya Kim Atienza na sinabing, “saraaaap!”
Nagkomento rin ang kambal ni Richard na si Raymond Gutierrez at sinabing huwag nang gumawa ng baby ang dalawa.
Ngunit hindi pa rin nakaligtas sa batikos mula sa mga netizen sina Richard at Sarah.
Payo ng isang netizen, dapat ay sa private na lang ito at hindi na dapat i-post. Sambit naman ng isa, totoo namang hot ang photo, pero nandiri umano siya dahil ipinost pa ito ng mag-asawa.
Marami pang komento ang nagsasabing panatilihing private ang ganitong bagay.
Binuhay naman ng anonymous netizen ang video ni Richard na nakikipaghalikan sa ex-girlfriend na si Anne Curtis sa kotse at sinabing walang tatalo rito.
O ‘di ba, ang mga netizen talaga, walang magawa kundi pumuna ng mga post ng mga artista!
