Luke makakatapat sina Ogie, Rico, Raymond, Richard, Chad, at Ronnie sa 12th Star Awards for Music
Luke Mejares, Chad Borja, Ogie Alcasid, Raymond Lauchengco, Richard Reynoso, Rico Blanco, Ronnie Liang
MATABIL
ni John Fontanilla
LABIS-LABIS ang pasasalamat ni Luke Mejares sa nominasyong nakuha sa 12th Star Awards for Music bilang Male Concert Performer of the Year.
Post nito sa kanyang Facebook account, ”Maraming salamat Philippine Movie Press Club (PMPC) for my nomination sa 12th PMPC Star Awards For Music as MALE CONCERT PERFORMER OF THE YEAR SoundTrip Sessions Vol. 1 | Dragon Arc Events Management, I am honored! Special thanks to PMPC, Mama Cheche Colmenares (producer) & Jinky Vidal (partner).”
Makakalaban ni Luke sa kategoryang ito sina Chad Borja, Ogie Alcasid, Raymond Lauchengco, Richard Reynoso, Rico Blanco, at Ronnie Liang.
Sina Ms. Kuh Ledesma at Louie Ocampo ang pagkakalooban ng mga pinakamataas na karangalan sa taunang pagdiriwang na ito ng Philippie Movie Press Club. Si Kuh ay gagawaran ng Pilita Corrales Lifetime Achievement Award bilang si Louie naman ay ang Parangal Levi Celerio dahil sa pagiging composer nito.
