Boy Abunda Ading Fernando Lifetime Achievement Award

Boy Abunda gagawaran ng Ading Fernando Lifetime Achievement Award sa 34th Star Awards For Television

John Fontanilla July 27, 2021 Showbiz

MATABIL
ni John Fontanilla

PORMAL nang inilabas ng Philippine Movie Press Club (PMPC) ang mga nominada para sa 34th Star Awards For Television.

Ngayong taon, ibibigay sa King of Talk na si Boy Abunda ang Ading Fernando Lifetime Achievement Award at ang Excellence In Broadcasting Award naman ay sa veteran broadcast journalist na si Korina Sanchez.

Sa pamunuan ng kasalukuyang pangulong si Roldan F. Castro, mga opisyal at miyembro, ang 34th Star Awards for Television ay idaraos sa pamamagitan ng virtual awarding. Iaanunsiyo sa mga darating na araw ang petsa at oras nito.

Maglalaban-laban para sa kategoryang Best Drama Actress sina Coney Reyes (Love of My Life/GMA 7), Jennylyn Mercado (Descendants of the Sun/GMA 7), Judy Ann Santos (Starla/ABS CBN 2), Maja Salvador (The Killer Bride/ABS CBN 2), Nora Aunor (Bilangin Ang Bituin Sa Langit/GMA 7), Sunshine Dizon (Magkaagaw/GMA 7), at Sylvia Sanchez (Pamilya Ko/ABS CBN 2).

Sa Best Actor naman ay magtutunggali sina Alden Richards (The Gift/GMA 7), Coco Martin (FPJ’s Ang Probinsyano/ ABS-CBN 2), Dingdong Dantes (Descendants of the Sun/GMA 7), Jeric Gonzales (Magkaagaw/GMA 7), JM de Guzman (Pamilya Ko/ ABS-CBN 2), Joey Marquez (Pamilya Ko/ABS-CBN 2), at Joshua Garcia (The Killer Bride/ABS-CBN 2).

Sa Best Single Performance by an Actress, magla lalaban-laban sina Alessandra de Rossi (Sisters At War/Tadhana/GMA 7), Glaiza de Castro (Sino AngBaliw/Magpakailanman/ GMA 7), Jane de Leon (Medal/MMK/ABS-CBN 2), Janice de Belen (Mata/ MMK/ABS-CBN 2), Jasmine Curtis (Sex Slave/Tadhana/GMA 7), Julia Barretto (Colored Pens/MMK/ ABS-CBN 2), at Sunshine Dizon (Magkano Ang Forever/Tadhana/ GMA 7).

Sina Cris Villanueva (Ilog/ Maalaala Mo Kaya/ABS-CBN 2 ), Dennis Trillo (OFW Most Wanted/Magpakailanman/GMA 7), Joshua Garcia (Tren/MMK/ABS-CBN 2), Ogie Alcasid (Flyers/ MMK/ ABS-CBN 2), Ruru Madrid (Adik Sayo Magpakailanman/ GMA 7), Seth Fedelin (Ilog/Maalaala Mo Kaya/ ABS-CBN 2), at Sid Lucero (Mural/Maalaala Mo Kaya/ ABS-CBN 2) ang magtutunggali sa Best Single Performance by an Actor .