Friday , January 21 2022
Bulabugin ni Jerry Yap
Bulabugin ni Jerry Yap

Hatol kay chairman inaabangan ng sambayanan (Sa super-spreader event sa Caloocan)

BULABUGIN
ni Jerry Yap

BUONG sambayanan ay nag-aabang sa magiging hatol kay Brgy. 171 Chairman Romeo Rivera, sa siyudad ng Caloocan.

Hindi pa lubusang nalilimutan ng publiko nang gumimbal sa print and social media ang balita tungkol sa nangyaring kapabayaan sa Gubat sa Ciudad resort. Daan-daang eskursiyonista ang ‘lumusob’ at halos magkakasabay na lumusong sa swimming pool, habang ang NCR plus ay nasa mahigpit na enhanced community quarantine (ECQ). 

Teenagers, menor-de-edad, at senior citizens ay naging malaya sa pagtatampisaw sa swimming pool, na tila hindi alintana ng management, na nagiging super-spreader event sa kanilang resort.

Kitang-kita na nakompromiso ang social distancing at tuluyan nang nalimutan ang ipinatutupad na health and safety protocols. Kaya nang biglang sumalakay ang mga awtoridad, sa pangunguna ng LGU at PNP-Caloocan, ay parang mga itik na nagpulasan ang mga nabulabog na eskursiyonista habang nagtatampisaw sa tubig.

Pinatawan ng 60-day administrative suspension ng Caloocan city government at ng Department of Interior and Local Government (DILG) ang mga opisyal dahil sa kapabayaan sa tungkulin na nakatakdang matapos sa darating sa 2 Agosto.

Hindi lingid sa buong Caloocan ang malapit na ugnayan ni Brgy. Chairman Romeo Rivera kay Mayor Oscar “Oca” Malapitan kaya naman kaabang-abang kung magiging pabor ba o hindi ang rekomendasyon ng komite ng good governance and justice ng Sangguniang Panglungsod?

Pero hindi pa naman nagkakaroon ng finality, umuugong ang balita tungkol sa panibagong anomalya ng cash distribution sa First Tranche ng Social Amelioration Program (SAP) sa Brgy. 171.

Naging kuwestiyonable ang pagre-release ng ML Lhuillier branch sa Gulod, Novaliches City, ang tumatayong Financial Service Provider (FSP) STARPAY ng nasabing ayuda.

Ewan lang natin kung totoo ang tsismis na naire-release raw ng nasabing FSP Starpay Management ang 8K ayuda gamit ang “QR Code” na hawak ng “tao ni Kap” na tumatayong representative ng claimants?!

Wattafak!

Mortal sin kay Pangulong Digong ‘yan! Gaano katotoo na may kasabwat daw sa loob ng ML Lhuillier at kumukubra ng komisyon na P500 piso sa kada 8K claims sa kanila?!

Hindi ba maliwanag na panghaharbat ‘yan sa ayuda ng administrasyon mula sa taxpayers money?!

BTW, well informed kaya si DILG Sec. Eduardo Año tungkol dito?!

Sa ngayon, halos 1-M na ang nakulimbat sa buong transaksiyon at kasalukuyan nang iniimbestigahan ng Department of Social Welfare and Development (DSWD) ang anomalya.  

Ano kaya ang masasabi ni Mayor Oca sa panibagong bulilyaso ng Brgy. 171 at ng kanilang chairman?

Paano na ang pangarap na maging miyembro ng konseho sa 2022?

Hindi kaya malagay sa alanganin ang bibitbit sa kanya sa panahong ito?!

‘Iwas-dipa’ na lang muna siguro ang gustong pumadrino!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Usaping Bayan ni Rev. Fr. Nelson Flores, MSCK, JD

Sino ka?

USAPING BAYANRev. Fr. Nelson Flores, MSCK, JD. MARAMING umaangkin sa karangalan na masabi na sila’y …

FIRING LINE ni Robert B. Roque, Jr.

Mag-isip-isip ‘outside the vaxx’

FIRING LINEni Robert B. Roque, Jr. KAHIT paulit-ulit pang itanggi ng gobyerno, hindi mapapasubalian na …

AKSYON AGAD ni Almar Danguilan

Bakuna o kita na may kaakibat na virus?

AKSYON AGADni Almar Danguilan PATULOY na lumolobo ang bilang ng mga nahahawaan ng CoVid-19 partikular …

Dragon Lady Amor Virata

Tatlong panibagong variant… tama na

Isumbong mokay DRAGON LADYni Amor Virata SA HIRAP na dinaranas ngayon ng ating bansa, mahihirapan …

PROMDI ni Fernan AngelesI

Untouchable sa Palasyo

PROMDIni Fernan Angeles HINDI na bago ang kalakaran ng paggamit ng impluwensyang kalakip ng puwesto …

Leave a Reply