Friday , March 29 2024

Jillian Ward, nagbigay ng mensahe at pasasalamat sa kanyang fans

ALAM MO NA!
ni Nonie Nicasio

IBANG
klase talaga ang lakas ng hatak sa fans ng teenstar na si Jillian Ward. Todo-suporta talaga sila sa kanilang idolo, kaya ang mga post ni Jillian sa social media ay sandamakmak ang likes.

Actually, nalaman namin na isa si Jillian sa most followed Filipina actress sa Facebook sa mga bituin ng Kapuso Network. Una ay si Marian Rivera na mayroong 25 million followers. Si Jillian naman ang itinuturing na most followed Kapuso teen star sa FB na mayroon namang 12 million followers.

Kuwento ni Jillian nang maka-chat namin ang magandang teenstar, “Bale ten months lang po at nag-gain po ako ng 11 million followers agad. Kaya sobrang thankful po talaga ako.”

Aniya pa, “Kapag kasama po ang mga taga-ABS CBN, mga top 10 po siguro ako. Pero sa GMA po, ako ang second.”

Sa ngayon, si Jillian ay mayroong 3.6 million followers sa Instagram at 3.8 million followers sa Tiktok. “Kaso sobrang bihira na lang po ako mag-post sa Tiktok, hahaha!” Pakli niya.

Ilan ang followers niya sa Twitter? “Wala po akong Twitter,” tugon pa ni Jillian.

Nabanggit din ni Jillian na sobra ang saya niya sa rami ng mga aktibong fans na sumusuporta sa kanya.

Nakangiting esplika niya, “Sobrang saya po. Nagbabasa rin po ako ng comments, at natutuwa po ako kapag may mga nagco-comment na, napapasaya ko raw po yung araw nila kapag napapanood po nila ako sa TV or sa social media.”

Dagdag pa niya, “Pati rin po sa Tiktok. Nakakatuwa po kasi, dahil sobrang saya po nila kapag nagre-reply ako.”

Sumasagot din ba siya sa ibang comments?

Lahad ng magandang aktres, “Mostly po sa Instagram ako nagre-reply. Pero may times po na nagre-reply ako sa FB, or inila-like ko po ang mga comments nila.”

Ano ang nafi-feel niya kapag sinasabing siya ang susunod sa yapak ni Marian?

“Sobrang idol ko po kasi si ate Marian, since five pa lang po ako. Kahit sa mga interview po noong dati pa, since Trudis Liit, siya po talaga ang lagi kong binabanggit na idol ko.

“Nao-overwhelm po ako and sobrang grateful po ako kapag sinasabing ako ang susunod sa yapak ni Ate Marian, na nakikita po nila na may potential ako bilang artista or singer.”

Ano ang message niya sa kanyang fans?

Wika ni Jillian, “Ang message ko po sa kanila is, gagawin ko po yung best ko para ma-inspire ko sila, or mabigyan ko po sila ng entertainment through my shows or music.

“Sobrang saya ko po na lagi silang nandiyan para sa akin. Mahal na mahal ko po silang lahat. Alam ko po parang cliché na, pero totoo po na wala po ako ngayon sa kinalalagyan ko, kung wala sila at kung hindi dahil sa kanila. Kaya po sobrang nagpapasalamat ako sa lahat ng fans.”

Incidentally, abangan si Jillian sa Book-Two ng Prima Donnas. Nalaman namin na next month ay magsisimula na silang mag-taping para sa top rating TV series na ito at ilan sa mga stars nito na naka-usap namin ay ipinahiwatig na maraming dapat abangan dito.

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *