Saturday , October 1 2022

Toda drivers, delivery riders una sa OVP vaccine express (Leni-Isko, tandem sa Maynila)

UMARANGKADA ang Vaccine Express ng Tanggapan ni Vice President Leni Robredo kasama ang lokal na pamahalaan ng Maynila sa pangunguna ni Manila Mayor Francisco “Isko Moreno” Domagoso.
 
Personal na binisita ni VP Leni at Mayor Isko ang pinagdarausan ng Vaccine Express sa unang araw ng programa nitong Martes, 22 Hunyo. Dito, binakunahan ang economic frontliners tulad ng tricycle, pedicab, at delivery riders mula sa lungsod ng Maynila na kabilang sa A4 category ng priority groups na itinakda ng pamahalaan.
 
Sa kanilang panayam, pinasalamatan ni VP Leni at Mayor Isko ang tanggapan ng bawat isa dahil sa sa all-out na kooperasyon at suporta na ibinigay nito para sa pagpapaigting ng vaccination drive ng lungsod.
 
“Iyong suportang ibinigay sa amin all-out. Kaya pagdating ni Mayor Isko kanina pinapasalamatan ko siya kasi iyong staff talaga niya, lahat ng klase ng tulong na kailangan namin ibinigay. And nakatutuwa iyon. Nakatutuwa na hindi tinitingnan iyong kulay. Basta sa ngalan ng serbisyo para sa bayan ay magtutulungan [dahil] ang magbe-benefit dito iyong taongbayan,” wika ni VP Leni.
 
Para naman sa alkalde ng Maynila, napakalaking tulong ang inisyatiba ng OVP para sa riders at drivers kaya’t aniya, ipagpapatuloy nila ang Vaccine Express para sa mga vendor sa lungsod.
 
“Ngayon, nakikita ninyo nagbenepisyo iyong mga economic drivers natin — mga frontliners natin sa economic [sector]. And we’re very happy and excited na ito ay matutuloy bukas at iyong kanina, iyong binabanggit ni Vice President, gusto niya naman pumunta sa mga vendor so we will be partnering with the OVP,” ani Yorme.
 
Ayon kay VP Leni, malaking tulong ang mga doktor at nars na nag-volunteer bilang screeners at vaccinators, pati mga kabataan mula sa iba’t ibang paaralan para sa maayos na pagsasagawa ng programa.
 
Isa lamang ang Vaccine Express sa maraming inisiyatiba na sinimulan ng tanggapan ni Robredo bilang tugon sa pangangailangan ng mga Filipino sa gitna ng banta ng CoVid-19.
 
Marso pa lamang nang unang tumama ang virus sa bansa, inilunsad agad ng OVP ang sari-saring programa para sa frontliners at komunidad, kabilang ang delivery ng mga personal protective equipment, libreng shuttle service, libreng dormitories, at marami pang iba.

About hataw tabloid

Check Also

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

shabu

3 tulak sa Gapo nasabat
MAHIGIT P1-M HALAGA NG SHABU, NAKUMPISKA

 MAHIGIT  P1-M halaga ng iligal na droga ang nakumpiska ng mga awtoridad habang tatlong tulak …

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …

Leave a Reply