I-FLEX
ni Jun Nardo
WALA nang balakid sa kasalang Ara Mina at Philippine International Trading Undersecretary Dave Almarinez ngayong buwang ito ng Hunyo. Wala pa silang iniilabas na date ng kasal pero sa Baguio City ito magaganap.
Last April sana nakatakdang ikasal sina Ara at Dave. Naudlot ito dahil sa pagsipa ng kaso ng COVID-19 at pinairal na modified enhanced community quarantine.
Ilan sa ninang ay sina Sharon Cuneta, Lipa Congresswoman Vilma Santos-Recto. Panganay man si Ara sa magkakapatid, siya ang huling ikakasal. Bilang tulong ng mga kapatid, nag-ambagan sila sa bridal gown ni Ara na gawa ng famous designer ng bansa.
Kapwa may anak na sa kani-kanilang nakaraang relasyon sina Ara at Dave. Bilang pahabol, may matamis pang Father’s Day message si Ara kay Dave.
“Thank you for all the love you have given me and to @myamandagabrielle. We’ll always be here for you, my Dave,” bahagi ng post ni Ara.
