Friday , March 29 2024

5 Pampanga water districts nalugi nang mag-JVA sa Primewater Infra Corp. (ayon sa coa)

BULABUGIN
ni Jerry Yap

MASAMA ang naging lagay ng limang Pampanga water districts nang sila ay pumasok sa joint venture agreement sa Primewater Infrastructure Corp.

Ito mismo ang pahayag ng Commission on Audit  (COA) sa kanilang pagsusuring ginawa sa limang Pampanga water districts ng Mabalacat City Water District (MCWD), City of San Fernando Water District (CSFWD), Floridablanca Water District (FWD), Guagua Water District (GWD), at ang Lubao Water District (LWD).

Grabe raw ang idinausdos ng kita ng limang water districts mula nang makipag-ugnayan sa Crime ‘este’ Primewater.

At upang huwag tuluyang bumagsak, pinayohan ng State auditors ang limang water facilities na i-renegotiate ang kanilang joint venture deals dahil imbes makatulong sa local government units (LGUs) na maging independiyente at supisyente sa supply ng tubig, e nawindang ang kanilang kalagayan.

Base sa kanilang kasunduan, ang Primewater ang hahawak sa operational control sa nasabing water utilities, ganoon din ang water supply, at ang management systems ng kanilang septage.

Sa ulat na ipinadala sa MCWD noong April 29, sinabi ng COA, ang nasabing mga utility: “was generating more profit from its operations before it entered the JVA.”

Kaya nakapagtataka kung bakit mula nang hawakan ng Primewater ay biglang bumulusok ang kanilang kita.

Bukod sa pagbulusok ng income, inirereklamo rin ng kanilang mga kliyente na hindi maayos ang kalidad ng tubig mula nang pasukin ng Primewater.

Sakit ito ng Primewater na hindi natin maintindihan kung bakit tuwing pumapasok sila sa isang bayan o lungsod, bumabaho, maitim, at hindi nagiging regular ang tulo ng tubig sa gripo.

At ang higit na nakapagtataka, bakit nila nakukuhang makombinsi ang mga water district gayong marami na ang masamang feedbacks tungkol sa kanilang serbisyo?

Isa pa, kung hindi kayang ayusin ng Primewater ang kanilang serbisyo, bakit pinakikialaman nila ang mga water districts sa buong bansa?

Mantakin ninyo, sa ulat ng COA, ang MCWD’s net income ng MCWD bago makialam ang Primewater ay P61.296 milyones noong 2018 pero bumagsak ito nang halos 50% (P35.343 million) noong 2019.

At nitong 2020, lalo pa itong bumagsak nang abutin na lamang sa net income na P4.758 million.

 Ibig sabihin dumapa na nang husto!

At sabi ng MCWD dahil daw ‘yan sa depreciation expenses at sa pagtaas ng sahod ng mga empleyado.

Wattafak!

Anong mayroon ang pamilya Villar, na nagmamay-ari ng Primewater, kung bakit nakukuha nila ang mga water district sa kanilang Primewater at kahit bulok ang serbisyo ay hindi na makapalag ang LGUs?!

 May goodwill bang pinag-uusapan dito? May papel ba ang Department of Public Works and Highways (DPWH) kung bakit mabilis na napapasakamay ng mga Villar ang mga water district?!

Tsk tsk tsk….

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *