LAOS na ang karisma ni Pangulong Rodrigo Duterte sa 16 milyong Filipino na nagluklok sa kanya sa Malacañang noong 2016.
Inamin ni Pangulong Duterte na nahihirapan siyang kombinsihin ang mga Pinoy na magpaturok ng CoVid-19 vaccine.
Ang pahayag ng Punong Ehekutibo ay kasunod ng ulat na isang milyong Filipino na nagpabakuna ng first dose pero hindi na bumalik para sa second dose.
Hinimok niya ang mga naturukan ng first dose ng CoVid-19 vaccine na maglaan ng oras para bumalik sa vaccination center sa takdang oras ng kanilang second dose para magkaroon ng mas malakas na proteksiyon laban sa virus.
“Please find time to go out and line up and show your card to receive the second dose. Nahirapan ako magkombinsi sa Filipino. Kindly follow instructions. Find time at your convenience for second dose. It’s a good protection but not a guarantee that you will not be contaminated,” anang Pangulo sa kanyang Talk to the People kagabi.
Inatasan niya ang mga lokal na pamahalaan na alamin ang dahilan bakit hindi nagbalikan para sa second dose ang maraming naturukan ng first dose ng CoVid-19 vaccine.
Paliwanag niya, hindi pa mawawala agad ang CoVid-19 at sa tagal ng panahon nang paghihintay ng Filipinas para magkaroon ng CoVid-19 vaccine, dapat ay gamitin ito nang tama at ipagpatuloy pa rin ang “Mask, Hugas, Iwas” bilang pangunahing proteksiyon bukod sa bakuna.
Inilarga na kahapon ang pagbakuna sa A4 priority group o essential workers.
Batay sa ulat, umabot sa 1.5 katao ang fully vaccinated habang 4,421,319 ang naturukan ng first dose kaya’t sa kabuuan ay 5,965,651 ang nabigyan ng bakuna mula sa A1, A1, at A3 priority groups mula nang simulan ang vaccination program noong 1 Marso 2021.
Target ng pamahalaan na mabakunahan ang 58 milyong mamamayan ngayong taon upang makamit ang herd immunity.
Check Also
Sa ika-27 anibersaryo ng Las Piñas
102 COUPLES SABAY-SABAY NA IKINASAL
SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …
Buhain, umayuda sa HB Bills para sa PH Sports
Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …
Acuzar mapang-asar
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR
MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …
Philippine National Volleyball Federation (PNVF) Under-18 Championship 2024
MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …
MTRCB ipinagbawal pagpapalabas ng Chasing Tuna in the Ocean
SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …