Wednesday , October 5 2022
Leni Robredo

Leni CamSur gov target sa 2022

INAMIN ni Vice President Leni Robredo na kakandidato siya sa pagka-gobernador ng Camarines Sur at hindi sa pagka-pangulo sa 2022 elections.
 
Ikinuwento ito ni dating Camarines Sur Rep. Rolando Andaya, Jr., sa programang The Chiefs sa TV5 kagabi, personal na kinompirma sa kanya ito ni Robredo kamakailan.
 
Malinaw na indikasyon, aniya, ng political plan ni Robredo ang paglipat ng kanyang residency sa Magarao, Camarines Sur mula sa Naga City.
 
Hindi maaaring bomoto at kumandidato si Robredo kapag residente siya ng Naga City dahil ito’y isang independent city at hindi bomoboto ng gobernadora ang mga botante ng siyudad, sabi ni Andaya.
 
Matatandaan, inialok ni dating Sen. Antonio Trillanes IV ang kanyang sarili bilang presidential bet ng opposition coalition 1Sambayan sa 2022 bunsod ng plano ni Robredo na lumahok sa gubernatorial race sa Camarines Sur.
 
Napuna ng ilang political observers na pawang mga Bicolano ang ‘gumagalaw’ para sa 2022 elections top posts gaya ni Albay Rep. Joey Salceda ang nag-anunsiyo ng pagtakbo ni Sara bilang presidential bet, si Andaya sa paglahok ni dating Defense Secretary Gilbert Teodoro bilang VP bet ni Sara at si Trillanes na inianunsyo ang pag-atras ni Robredo sa presidential race.
 
Ang Bicol ang ika-anim sa vote-rich regions sa Filipinas na may 3,647,711 botante katumbas ng 5.9% total voters sa buong bansa, batay sa 2019 record ng Commission on Elections (Comelec).
 
Ang limang pangunahing vote-rich regions ay Region IV-A (Calabarzon), National Capital Region, Central Luzon, Central Visayas at Western Visayas. (ROSE NOVENARIO)

About Rose Novenario

Check Also

arrest posas

2 manggagantso timbog sa bitag

HINDI na nakapalag ang dalawang indibiduwal na kapwa mga residente sa Cavite nang arestohin ng …

100422 Hataw Frontpage

Binangga ng SUV saka pinagbabaril riding-in tandem sa Las Piñas
BETERANONG BRODKASTER, KOLUMNISTA ITINUMBA

ni MANNY ALCALA PINAGBABARIL hanggang mapatay ang isang beteranong hard-hitting broadcaster at kolumnista sa diyaryo …

Ika-33 taon ng kooperatiba sa Bulacan ipinagdiwang

Ika-33 taon ng kooperatiba sa Bulacan ipinagdiwang

SA layuning pagkaisahin at isulong ang lahat ng mga koopertiba sa buong lalawigan, sinimulan ng …

Bulacan Recuers Luksang Parangal

Pagkilala at pinansiyal na suporta bumuhos sa limang rescuers na nasawi sa Bulacan

BUMUHOS ang mga pagkilala at pinansiyal na suporta para sa mga bayaning tagapagligtas sa ginanap …

Sta maria Bulacan Police PNP

Pusher na 67-anyos na lolo, kinalawit sa ibibiyaheng ‘bato’

KAHIT malapit ng lubugan ng araw ay nagagawa pa ng isang lolo na gumawa ng …

Leave a Reply