Saturday , November 27 2021

Uniporme ng Lucena City employees ‘tatak-Suarez’

‘GENIUS’ talaga ang kasalukuyang Quezon governor Danilo Suarez.

Genius para sa kanyang political career lalo’t 11 buwan na lang ay mag-eeleksiyon na naman.

Mantakin ninyong maisipan niyang lagyan ng kanyang pangalan ang uniporme ng P2,500 kawani ng probinsiya bukod pa sa mga contractual at job order workers?!

Mayroon kasing bagong uniporme ang mga kawani ng Quezon. Ito ang kanilang isusuot mula Lunes hanggang Huwebes.

Ayon sa mga kawani, ‘yung isusuot nilang uniporme sa araw ng Miyerkoles ay may nakalagay na ‘Serbisyong Suarez’ sa likod, sa itaas na bahagi. Medyo maliit ang mga letra. Kumbaga, hindi pa masyadong garapal.

Pero ‘yung unipormeng pang-Huwebes, na patakarang isusuot lahat ng mga kawani ay may nakalagay sa likod, sa itaas na bahagi — Gov. Danilo Suarez, bukod pa ‘yung napakalaki at all caps na SERBISYONG SUAREZ.

‘Yan po ay kulay GREEN — ang sinasabing kulay na identified sa gobernador.

Mukhang wala namang problema…

Pero, ang nasabing uniporme ay hindi naman pala regalo ni Gov.

Ito pala ay mula sa “clothing allowance” ng mga empleyado.

Wattafak!

E hindi ba’t ipinagbabawal sa batas, sa mga taong gobyerno ang mangampanya para sa isang kandidato?

E bakit pinagsusuot ng gobernador ng unipormeng may pangalan niya ang mga kawani?!

Ano ‘yan, libreng pangangampanya, tosgas ang kabang yaman ng pamahalaan mula sa ibinayad na buwis ng mamamayan?!

Kapalmuks naman!

Ayon sa mga kawani, ang utak umano ng gimik na ito ay ang hepe ng Provincial General Services Office na si Tina Talavera.

Ms. Tina Talavera, may katotohanan ba ito?

Ang sabi pa raw nitong si Ms. Talavera: “Kahit labhan pa ng ilang beses iyong unipormeng kulay ‘green’ ay hinding-hindi ito magigingn kulay ‘orange.’

Ito raw si Ms. Tina T., ay isa sa most trusted official ni Gov. Suarez.

At kung susuportahan daw ni Sariaya Mayor Marcelo Gayeta ang kandidatura ni Congw. Helen Tan, ay tatapatan naman siya ni Ms. Tina T.

Parang naglalaro lang ng ahedres si Gov. Suarez ha?! Parang genius talaga. Hik hik hik!

By the way, hindi ba’t ilegal at imoral ‘yang gimik na ‘yan ni Gov. Suarez na patatakan ng pangalan at slogan niya ang uniporme ng mga kawani?!

Maagang pangangampanya na, ginamit pa ang pera ng sambayanan.

Mantakin ninyong nasa panahon ng pandemya ‘e nakuha pang ‘gumimik’ para sa kanyang ‘political campaign.’

E sabi nga ng mga empleyado, ‘sukang-suka’ na sila sa gimik at style nitong mga Suarez, tapos ngayon sapilitan pa silang pagsusuutin ng unipormeng may malaking tatak ng kanilang pangalan. Kaya parang pinalalabas na ini-endorse nila ang isinusuka na nilang gobernador.

DILG Secretary Edong Año Sir, and DILG Undersecretary Martin Diño — mga Sir, mukhang ginagawa kayong engot nitong si Gov. Suarez sa mga pinaggagawa niya.

Baka kailangan ng matinding paalala ni Gov. Suarez, Secretary Edong, e pakisampolan na nga po. Masyado yatang minamaliit ang pang-unawa ninyo sa local government.

Tsk tsk tsk…

Gov. Suarez, hinay-hinay sa paglulustay ‘este’ sa paggimik — pera ng sambayanan ‘yan.

Kung gusto mong gumimik para sa kampanya mo, dumukot ka sa sariling lukbutan!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Maam Evelyn 2

A heartfelt message for JSY

Before I start, I am speaking on behalf of my mom from her perspective, in …

Sir Jerry Yap JSY Gloria Galuno Mommy Glo

Memories with JSY

“LET us always find opportunities to be with the people we value the most. Life …

Jerry Yap, JSY, Hataw

Maraming salamat, JSY!

HARD-HITTING columnist, isa sa pinakamahusay na boss at leader, mabait na kaibigan, kapatid, ama, padre …

Bureau of Immigration

Pagbubukas ng turismo pinaghahandaan na ng BI

BULABUGINni Jerry Yap NAGHAHANDA na ang pamunuan ng Bureau of Immigration (BI) sa pagbubukas ng …

Jaime Morente Bureau of Immigration

‘Bogus’ na intel agent/s binalaan ni Morente

BULABUGINni Jerry Yap NAGBABALA si Commissioner Jaime Morente tungkol sa mga nagpapakilalang ahente o awtoridad …

Leave a Reply