Wednesday , October 5 2022
drugs pot session arrest

6 huli sa pagsinghot ng shabu sa Valenzuela

ANIM katao ang inaresto na hinihinalang sangkot sa ilegal na droga kabilang ang isang security guard at 17-anyos estudyante matapos maaktohan ng mga pulis na sumisinghot ng shabu sa magkahiwalay na lugar sa Valenzuela City.
 
Ayon kay P/Cpl. Pamela Joy Catalla, habang nasa loob ng kanilang opisina ang mga operatiba ng Station Drug Enforcement Unit (SDEU) dakong 11:30 pm nang personal na lumapit ang Supervisor ng Wilcon Gasoline Station at ipinaalam sa kanila na may natagpuan siyang drug paraphernalia sa loob ng security guard barracks sa Wiloil gasoline station sa #58 Pio St., Brgy. Marulas.
 
Pinuntahan ng mga operatiba ng SDEU sa pangunguna ni P/Lt. Joel Madregalejo ang naturang lugar na nagresulta sa pagkakaaresto kay Conrad Alajas, 29 anyos, security guard ng nasabing gasoline station matapos maaktohang sumisinghot ng shabu sa loob ng barracks dakong 1:00 am.
 
Narekober kay Alajas ang 2 gramo ng hinihinalang shabu na tinatayang nasa P13,600 ang halaga, ilang drug paraphernalia at cellphone.
 
Dakong 6:30 pm nang maaktohan din ng mga operatiba ng SDEU sina Alvin Cunanan, 31 anyos, Edmari Ablang Rebudal, 27, Julius Trazo Entienza, 27, John Rey Tudera, 18, at ang 17-anyos binatilyong grade 7 student na nagpa-pot-session sa loob ng bahay sa #4284 Orosco St., Mapulang Lupa sa isinagawang validation matapos ang natanggap na tawag sa telepono mula sa isang concerned citizen hinggil sa nagaganap umanong illegal drug activities sa naturang lugar.
 
Ani SDEU investigator P/SMSgt. Fortunato Candido, nakompiska sa mga suspek ang nasa 0.5 gramo ng hinihinalang shabu, tinatayang nasa P3,400 ang halaga, at ilang drug paraphernalia.
 
Mahaharap ang mga naarestong suspek sa kasong paglabag sa RA 9165 o ang Comprehensive Dangerous Drug Act of 2002 habang ini-turnover sa pangangalaga ng DSWD ang menor-de-edad. (ROMMEL SALES)

About Rommel Sales

Check Also

Bulacan

Mahigit 4,000 na evacuees sa Bulacan bumalik na sa kanilang mga tahanan matapos ang Super TY Karding

MAY kabuuang 4,760 na indibidwal ang ligtas nang nakabalik sa kanilang mga tahanan noong Martes, …

5 rescuers na nasawi sa Bulacan bibigyan ng espesyal na pagpupugay

5 rescuers na nasawi sa Bulacan bibigyan ng espesyal na pagpupugay

 ISANG espesyal na pagpupugay para parangalan ang limang ‘bayaning tagapagligtas’ na nasawi habang nagliligtas ng …

Hinigop ng rumaragasang tubig sa kanal…
2-TAONG GULANG NA BATANG LALAKI, NAMATAY SA PAGKALUNOD

BANGKAY na nang matagpuan sa nagpuputik na palayan ang isang batang lalake matapos na mahulog …

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

Leave a Reply