Thursday , September 29 2022

Palasyo iwas-pusoy sa “Dennis Uy” factor sa 2022 polls (‘Red herring technique’)

ni ROSE NOVENARIO
 
IWAS-PUSOY ang Palasyo sa isyu ng maaaring maging papel ng isang Duterte crony na nakakopo ng mga negosyo at puwedeng makaimpluwensya sa resulta ng 2022 national elections.
 
Sa kanyang talumpati sa Philippine Elections 2022: Concerns and Prospects ng Malaya Movement sa Toonto, Canada, nagpahayag ng pangamba si Communist Party of the Philippines (CPP) founding chairman Jose Ma. Sison na ang pagmamay-ari ni Dennis Uy sa TIM Corporation, ang Philippine partner ng Smartmatic ay malaking bentaha ng administration candidates laban sa opposition bets sa 2022 national elections.
 
Si Uy ay isang Davao City-based businessman, kilalang crony ni Pangulong Rodrigo Duterte, at nakapagtayo ng dagdag na 36 kompanya sa panahon ng kanyang administrasyon mula sa dating wala pang isang dosena bago maluklok sa Malacañang.
 
Tila ginamit ni Presidential Spokesman Harry Roque ang ‘red herring technique’ upang maiwasang sagutin ang usaping itinampok ni Sison hinggil kay Uy at inilihis ang isyu sa klasipikasyon ng Anti-Terrorism Council (ATC) at iba pang bansa sa CPP bilang terrorist organization.
 
Ito ay tila pag-iwas na sagutin ang isyu ng posibilidad na makaimpluwensiya ang pagmamay-ari ni Uy sa TIM at pagkontrol niya sa Malampaya Gas Field sa Palawan sa resulta ng 2022 polls.
 
“Huwag nang pansinin ang CPP-NPA e binansagan na iyang terorista hindi lamang dito sa Filipinas kung hindi sa iba’t ibang parte ng daigdig. Kapag pinag-usapan pa natin ang mga sinasabi ng terorista, pinasisikat pa natin sila?” pahayag ni Presidential Spokesman Harry Roque sa virtual press briefing kahapon.
 
Naging suki sa ‘red herring technique’ si dating US President Donald Trump sa pagtawag na fake news sa mga ulat kaugnay sa kapalpakan at korupsiyon ng kanyang administrasyon upang ilihis ang atensiyon ng publiko sa kamalasadohan ng kanyang pamamahala at para sirain ang abilidad ng media bilang Fourth Estate, at bilang government watchdog.

About Rose Novenario

Check Also

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …

Arrest Posas Handcuff

Sa P.6-M shabu
‘ILLEGAL DRUG DEALER’ ARESTADO SA KANKALOO

ISANG hinihinalang tulak ng ilegal na droga ang arestado matapos makuhaan ng mahigit P600,000 milyong …

shabu drug arrest

Tulak na 2 kelot at bebot tiklo sa drug buy bust

TATLONG tulak ng ipinagbabawal na droga ang arestado, kabilang ang isang babae matapos masakote sa …

NBI

Tinapyas na budget ng NBI ibalik, laban vs cybercrimes paigtingin – solon

SA LAYUNING mapaigting ang laban ng bansa kontra insidente ng cybercrimes, kumilos si Senador Win …

Leave a Reply