Wednesday , January 19 2022

Community pantries posible sa terorismo (Promotor, donors, ididiin)

ni ROSE NOVENARIO
 
MAY posibilidad na maidiin sa paglabag sa Anti Terrorism Act (ATA) ang mga promotor at donors ng community pantry at iba pang charity works maging ang mga isinusulong ng Simbahan.
 
Inihayag ito sa ikalimang oral arguments sa Supreme Court nitong Martes, 27 Abril, kaugnay sa constitutionality ng ATA ni Assistant Solicitor General Raymund Rigodon nang usisain ni Associate Justice Rosmari Carandang ang hinggil sa pag-uugnay ng gobyerno sa New People’s Army (NPA) sa mga promotor ng community pantry gayong may mabubuti silang puso na tumutulong sa kapwa.
 
Paliwanag ni Rigodon, alinsunod sa ATA, ang sinoman na nagbibigay ng suportang materyal ay dapat alam kung ang tinutulungan niyang grupo o indibidwal ay sangkot sa terorismo o nagsusulong ng terorismo.
 
Ilang humanitarian organization ang kasama sa mga grupong kumuwestiyon sa ATA sa Korte Suprema sa pangambang ang kanilang mga adbokasiya at ayudang inihahatid sa mga liblib na lugar ng bansa ay mabansagang material support sa mga terorista sa ilalim ng Section 12 ng batas,
 
Ani Rigodon, kailangan alam ng donor kung ang organisasyon o taong tinutulungan niya ay sabit sa terorismo.
 
Nakasaad aniya sa Section 13 ng batas na exempted sa Section 12 ang humanitarian activities ng International Committee of the Red Cross, Philippine Red Cross at iba pang state-recognized humanitarian partners.
 
“Therefore, if it’s not recognized by the state, there is possibility that this humanitarian assistance may be considered material support,” ani Rigodon.
 
Tinanong ni Carandang si Rigodon kung maging ang Simbahan na nagkakawanggawa at nagbibigay ng kontribusyon sa mga tao ay puwede rin sampahan ng kasong paglabag sa ATA.
 
Tiniyak ni Rigodon na hindi sasampahan ng kaso ng ATA kapag hindi tukoy na terrorist organization o individual ang tutulungan ng Simbahan at iba pang charity groups.
 
Matatandaan naging mainit na isyu ang red-tagging nina NTF-ELCAC spokespersons Lt. General Antonio Parlade, Jr., at Communications Undersecretary Lorraine Badoy kay Ana Patricia Non, ang promotor ng community pantry movement.
 
Inulan ng batikos ang red-tagging kay Non at maging mga senador ay umalma at nagbabala na tatanggalan ng pondo ang NTF-ELCAC at hiniling na sibakin si Parlade sa task force.
 
Isasalang sa susunod na oral arguments si National Security Adviser Hermogenes Esperon, Jr., upang sagutin ang usapin kaugnay ng community pantry sa terorismo.

About Rose Novenario

Check Also

Huli sa aktong nagtutupada
7 KATAO TIMBOG SA TANAY, RIZAL

PITO katao ang nadakip nang mahuli sa aktong nagtutupada, malinaw na paglabag sa anti-gambling operation, …

dead gun

Sympathizer ni Bayali
LALAKI ‘NANLABAN’ TODAS SA SAGUPAAN

PATAY ang isang lalaking sympathizer ni Abu Sayyaf Group sub-leader Pasil Bayali, matapos makipagbarilan laban …

money Covid-19 vaccine

Saan napunta?
P70.92-B INUTANG NG PH PAMBILI NG BAKUNA

ni ROSE NOVENARIO UMABOT sa P70,92 bilyon ang inutang ng administrasyong Duterte mula sa apat …

4 COP binalasa sa Rizal

KAUGNAY sa nalalapit na lokal at pambansang halalan, binalasa ang apat na chief of police …

Edwin Moreno photo Sa San Mateo, Rizal P.7-M ‘obats’ nasabat sa 3 HVT

Sa San Mateo, Rizal
P.7-M ‘OBATS’ NASABAT SA 3 HVT

NADAKIP ang tatlong pinaniniwalaang high value target (HVT) nang makompiskahan ng P700,000 halaga ng ilegal …

Leave a Reply