NAKATAKDANG isailalim sa lockdown ang 16 barangays sa Maynila, simula 24 Marso, dakong 12:01 am hanggang 27 Marso, dakong 11:59 pm sa Maynila
Napagalaman, nagdesisyon si Mayor Francisco “Isko Moreno” Domagoso, ipatutupad ang lockdown dahil sa pagtaas ng bilang ng kaso ng CoVid-19 sa 16 barangays.
Ani Moreno nasa “critical zones” ang mga barangay saka nilagdaan ang Executive Order No.11.
Kabiloang sa mga barangay na isasailalim sa lockdown ang barangays 1, 50, 106, 109, 184, 192, 209, 296, 493, 515, 586, 636, 669, 790, 883, at Barangay 875.
Ikakasa ang lockdown upang magsagawa ng massive contact tracing at disease surveillance sa mga nabanggit na barangay.
Nakapoob sa lockdown ang mahigpit na pagbabawal sa paglabas ng bahay sa nabanggit na panahon at tiniyak ni Moreno na padadalhan ng food pack ang mga residente.
Napagalaman, exempted sa lockdown ang mga Authorized Person Outside of Residence (APOR) tulad ng health workers, military personnel, service workers (pharmacies, drug stores, and funeral homes), utility workers (energy, cable, internet, telecommunication companies, water, sanitation, and critical transport facilities including port operation), essential workers (goods delivery, food delivery, banking and money services), barangay officials (chairpersons, barangay secretary, barangay treasurers, kagawads, and executive officers) at media practitioners accredited by the Presidential Communications Operations Office at Inter-Agency Task Force. (BRIAN BILASANO)
