Born to Be Wild host Kiko Rustia negosyante na

MULA sa pagiging artista ng Philippine Survivor at former host ng Born To Be Wild,  pinasok na rin ni Kiko Rustia ang pagnenegosyo kasama ang kanyang magandang maybahay, si Cams.

Iniwan muna ni Kiko ang pag-aartista at pagiging host at mas nag-concentrate at tinutukan ang pagnenegosyo at politika.

Isa sa negosyo nina Kiko at Cams kasama ang kanilang mga kaibigan ay ang G Side Bar sa Tomas Morato.

Ani Kiko ng makausap namin sa G Side Bar nang maimbitahan kami ni  Len Carillo, CEO/President ng 3:16 Event and Talent Management, ”Humina ‘yung mga proyekto sa showbiz and lumalaki na mga anak namin kaya nag-isip ako ng kung ano ba ang mga puwedeng gawin at isa nga ito sa naisip namin ni Cams (G Side Bar).

Napaka-sosyal and cozy ng G Side Bar kaya naman ‘di kami magtataka kung maraming mga kabataan ang mawiwiling pumunta roon bukod sa mura at masarap ang pagkain, at mabait ang kanilang mga staff.

Sinusunod din nila ang health protocols kaya naman sigurado kang safe kapag naroroon. May mga umiikot na bouncer para paalalahanan ang lahat ng social distancing at maging ang kanilang DJ ay paulit-ulit na ina-aanounce ito. At kapag magsi-CR o lalabas ay kailangang suot din ang face mask.

Starstudded ang gabing naroron kami dahil kasama naming ang bida ng Anak ng Macho Dancer na si Sean De Guzman at mga bida ng  Silab na sina Marco Gomez at Cloe Barreto, Starstruck Avenger at Kapuso actor—Karl Aquino,  at sina Ethan at Gelo.

Kaya naman kung gusto niyong maglibang o magsaya bisitahin na ang G Side Bar sa Tomas Morato.

MATABIL
ni John Fontanilla