Wednesday , September 27 2023
flood baha

Tandag river umapaw kabahayan binaha (Sa Surigao del Sur)

SA GITNA ng pananalasa ng bagyong Auring, umapaw ang Tandag River na umaagos sa kahabaan ng lungsod, sa lalawigan ng Surigao del Sur, na naging sanhi ng matinding pagbahang nagpalubog sa daan-daang kabahayan nitong Linggo ng madaling araw hanggang hapon, 21 Pebrero.

Umabot sa taas na hanggang leeg ng tao ang baha sa mabababang lugar dahilan upang magsilikas ang mga residente patungo sa evacuation centers kung saan sila mas ligtas.

Samantala, abot hanggang tuhod ang taas ng baha sa mas matataas na lugar.

Nagdala ang rumara­gasang baha ng malaking bilang ng debris, kabilang ang mga troso na naipon at natambak sa isang tulay malapit sa bukana ng ilog.

Samantala, sa bayan ng Jabonga, lalawigan ng Agusan del Norte, inabisohan ng municipal disaster risk reduction and management office (MDRRMO) ang mga motorista na hindi madaraanan ang bahagi ng national highway sa pagitan ng mga barangay ng Colorado at Magsaysay lalo ang maliliit na sasakyan.

Hanggang tanghali kahapon, halos lumubog ang national highway patungo sa bayan ng San Miguel, sa lalawigan ng Surigao del Sur.

Naiulat din ang mga pagbaha at pagguho ng lupa sa mga bayan ng Lanuza at Marihatag, sa naturang lalawigan.

About hataw tabloid

Check Also

Gun Fire

Ex-CSU ng Malabon namaril ng sekyu

KRITIKAL ang kalagayan sa pagamutan ng isang security guard matapos barilin ng dating kawani ng Malabon City …

Las Piñas City hall

Medical mission sa Las Piñas City 

ISINAGAWA ng Las Piñas local government unit (LGU) ang libreng serbisyong medikal. Kahapon nagsagawa ang …

nbp bilibid

Sa Bilibid, Munti
51 gramo ng shabu nabuking sa dalaw na bebot

HIGIT pang pinaigting ng Bureau of Corrections (BuCor) ang kampanya kontra ilegal na droga at …

Kahit na-hacked
Serbisyo ng PhilHealth tuloy

INIANUNSIYO kahapon ng Philippine Health Insurance Corporation (PhilHealth) na patuloy pa rin ang kanilang operasyon, …

ltfrb

Bastos na driver,  may kalalagyan — LTFRB

INILUNSAD kahapon ng Land Transportation Franchising and Regulatory Board (LTFRB) ang malawakang kampanya laban sa …

Leave a Reply

Your email address will not be published. Required fields are marked *