Sunday , June 16 2024

Duque, Galvez, mag-walkout kayo — Duterte (Kapag binastos sa Senate hearing)

INUTUSAN ni Pangulong Rodrigo Duterte ang dalawa niyang opisyal na mag-walkout sa Senate hearing kaugnay sa national vaccination program kapag binastos ng mga senador.

Narinig umano ni Presidential Spokesman Harry Roque ang direktiba ni Pangulong Duterte kina Health Secretary Francisco Duque III at vaccine czar Carlito Galvez, Jr., sa kanilang pulong noong Lunes.

Humingi aniya ng pahintulot si Galvez sa Pangulo na hindi dadalo sa Senate hearing bukas dahil dalawang linggo na siyang wala sa negosasyon sa mga pharmaceutical company na magsu-supply ng bakuna sa bansa.

Sa press briefing kahapon ay sinabi ni Galvez na malinis ang transaksiyon ng gobyerno sa bakuna at walang nagaganap na korupsiyon.

“And I can assure you that what we are doing is clean and we are ‘very ano’ talaga… na talagang walang corruption sa ginagawa namin,” ani Galvez.

Ang banko aniya ang direktang magbabayad sa pharmaceutical company na magsu-supply ng CoVid-19 vaccine.

“Pangalawa, ang ‘ano’ natin is talagang iyong pera it will be a bank to bank agreement. So deretso sa company babayaran ng Asian Development Bank at saka World Bank, alam ng mga ‘ano’ iyan, pati mga pharmaceutical companies, very stringent ang regulatory niyan, walang corruption talaga iyan,” giit ni aniya.

Paliwanag ni Galvez, may nilagdaang confidentiality disclosure agreement (CDA) sa negosasyon sa pharmaceutical companies kaya hindi maisisi­walat ang tunay na presyo ng CoVid-19 vaccine.

Inatasan kamakalawa ni Pangulong Duterte si Galvez na ibigay kay Senate President Tito Sotto ang lahat ng dokumento kaugnay sa vaccine procurement ng administrasyon.

(ROSE NOVENARIO)

About Rose Novenario

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Leave a Reply

Your email address will not be published. Required fields are marked *