Monday , June 24 2024
TRENDING ang mga larawang ito sa social media dahil sa ‘kaunting buhagin, kaunting sementong’ buhos sa proyektong “Rehabilitation of NIA Road Phase 2 (San Isidro – Banaybanay – Pulo – Niugan section).

P25-M patsi-patsing kalsada sa Cabuyao, Laguna trending sa social media

KAUNTING buhangin, kaunting semento equals sementeryo ‘este Cabuyao road sa San Isidro, Banaybanay, Niugan, at Pulo.

Sementeryo, dahil ang ginawang kalsada ng Department of Public Works and Highways (DPWH) ay walang tibay na maaasahan para sa matagalan.

E paanong magtatagal kung buhangin at semento lang ang ibinuhos?! Kapag umulan na nang malakas unti-unting aagusin ng tubig ang ibinuhos na buhangin at semento — kaya hindi malayong maaksidente ang mga motorista sa kalsadang may P25 milyones ang halaga.

At ‘yan din po ang punto ng Laguna netizens na mismong sila ang nag-post sa social media kasama ang retrato ng mga namamahalang kung tawagin ay ‘Kalinga Boys.’

Kaya nga ang tanong ng Laguna netizens, sino ba ang nakaramdam ng kalinga? ‘Yung mamamayan na nilansi o ‘yung bulsa ng mga opisyal na namahala riyan sa rehabilitasyon na ‘yan ng kalsada?!

Batay sa liham ni BAC Chairperson Yolanda T. Aquino kay Cabuyao city mayor Rommel Gecolea, ang proyektong nagkakahalaga ng P25 milyones ay “Rehabilitation of NIA Road Phase 2 (San Isidro – Banaybanay – Pulo – Niugan section).

Ang proyekto ay sa ilalim ng pamamahala ng Department of Public Works and Highways (DPWH) Laguna II, District Engineering Office, Regional Office IV-A, Barangay Bambang, Los Baños, Laguna.

Bilang isang pangkaraniwang mamamayan, malaking katuwaan ang magkaroon ng isang maayos na kalsada. Ganoon din para sa mga motorista.

Pero kung kalsadang sinasabing may budget na P25 milyones mula sa taxpayers’ money at ang ibubuhos ay kaunting buhangin at kaunting semento, walang bakal at walang bato (gravel), ano kayang tibay ang maasahan ng sambayanang road users sa kalsadang ito?!      

Mayor Rommel Gecolea, ikaw po ang inaasahan ng iyong constituents na mangangalaga sa buwis na nanggagaling sa bulsa nila.

Proteksiyonan mo naman sila laban sa mga ‘promotor’ ng pangungupit sa mga pagawaing bayan (impraestruktura).

Pakisilip naman ang rehabilitasyon ng mga kalsada sa San Isidro, Banaybanay, Niugan, at Pulo.

Huwag naman po kayo maging bulag, pipi, at bingi dahil inaasahan kayo ng inyong mga kababayan.

Maliban kung kayo ay may personal na pakinabang sa patsi-patsing proyekto na ‘yan?!

Arayku!

‘Wag naman po sana.         

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *