Saturday , June 22 2024

Duterte vs Kongreso sa new ABS-CBN franchise bill

NAGBABALA si Pangulong Rodrigo Duterte na kahit may prankisa ang isang kompanya ay hindi niya papayagan mag-operate kung hindi babayaran ang mga obligasyon sa gobyer­no.

“I assure you, all franchises will not be implemented. I will not implement them until they settle their full accounts with the government,” sabi niya sa kanyang public address kamakalawa ng gabi.

“For all I care, you can have a 1,000 franchise, you will not see the light of day until you come to government with clean hands. Wala akong galit, bayaran mo lang ang gobyerno, sasaludo ako sa inyo limang beses,” dagdag niya.

Bagama’t hindi binanggit ng Pangulo ang kompanya, isa sa mga ibinutas sa ABS-CBN ang tax-avoidance schemes kaya pinagkaitan ng franchise renewal ng Mababang Kapulungan noong Hulyo 2020.

Naghain ng magka­hiwalay na panukalang batas sina Senate President Vicente Sotto III at Batangas 6th district Rep. Vilma Santos-Recto upang mabigyan ng bagong 25-year franchise ang Lopez-owned media company.

Sa ginawang pagdinig sa Kamara noong naka­raang taon ay inihayag ng Bureau of Internal Revenue (BIR) na walang utang sa buwis ang ABS-CBN at nagbayad ito ng kabuuang P70.5 bilyon tax sa nakalipas na 17 taon.

Matatandaan mula nang mahalal na Pangulo ng bansa ay ilang beses nagbanta si Duterte na haharangin ang prankisa ng ABS-CBN dahil hindi iniere ang kanyang campaign ads noong 2016 presidential elections.

(ROSE NOVENARIO)

About hataw tabloid

Check Also

Samuel Pabonita Pasay Police

POGO sa Pasay, krimen walisin — Pasay cop

INAMIN ni Pasay City Chief of Police Col. Samuel Pabonita, malaking bagay para sa seguridad …

3,000 Caviteños Cayetano DSWD

3,000 Caviteños nagpasalamat sa suporta mula sa mag-utol na Cayetano at DSWD

PINAIGTING ng mga tanggapan nina Senador Alan Peter at Pia Cayetano ang kanilang pagbisita sa …

062124 Hataw Frontpage

Indigenous gas dev’t bedrock ng PH sa kinabukasan ng enerhiya — Prime Energy exec

TAHASANG sinabi ng isang executive officer ng Prime Energy Resources Development (Prime Energy) na hindi …

062124 Hataw Frontpage

2 medyas na puno ng dolyares nawalis sa NAIA3

HATAW News Team TINATAYANG P1.1 milyon ang halaga ng mga dolyares na nadiskubre sa dalawang …

shabu drug arrest

2 tulak huli sa Malabon, Vale buybust

DERETSO sa hoyo ang dalawang hinihinalang tulak ng ilegal na droga matapos matimbog sa magkahiwalay …

Leave a Reply

Your email address will not be published. Required fields are marked *