NADAKIP ang isang guro ng public school matapos mabuking ng mga awtoridad sa kaniyang bahay ang tinatayang limang gramo ng hinihinalang shabu sa bayan ng Goa, lalawigan ng Camarines Sur noong Lunes ng gabi, 18 Enero.
Kinilala ni P/Maj. Jeric Don Sadia, hepe ng Goa Municipal Police Station (MPS), ang nadakip na suspek na si Melvin Bumanglag, 48 anyos, matapos masamsam ng pulisya ang ilegal na drogang tinatayang nagkakahalaga ng P20,000 sa kanyang bahay sa Brgy. Tagongtong dakong 8:00 pm kamakalawa.
Sa ulat ni Sadia, kabilang si Bumanglag sa listahan ng drug personalities ng pulisya at itinuturing na high-value target.
