Hindi lamang sa pagkanta ng cover songs at pagsayaw sa kanyang Tiktok official account, dahil ayaw ng stress na makasasama sa kanyang health, minabuti ng Fil-Am recording artist na si JC Garcia na haluan ito ng komedya at bentang-benta namam ang mga ina-upload ng mahusay na singer-dancer.
Yes hindi nawawalan ng views and likers si JC kasi aside sa pleasant siyang panoorin ay magaling naman talaga siya sa lahat ng aspekto ng talento.
Actually kung sumunod lang si JC sa yapak ng late father na si Bino Garcia, siguradong kikilalanin rin siyang isang mahusay na actor. Kung hindi nga lang nagkaroon ng pandemic ay dapat magiging parte si JC sa longest Biblical stage play na “Kristo” na title roler ang beteranong actor na si Matt Ranillo.
Ang brother ni Matt na si Dandin Ranillo ang nag-alok kay JC sa magiging partisipasyon niya sana sa naturang play. God-fearing person si JC kaya gusto niyang maging parte ng ganitong uri ng produksiyon.
VONGGANG CHIKA!
ni Peter Ledesma
