Thursday , June 13 2024
Caloocan City

P320-M ‘basura model tablets’ ni Mayor Malapitan, kinuwestiyon (Caloocan councilors nangalampag)

“MARAMING magu­lang at mga estudyante ang nagrereklamo sa tablets na ibinigay ng Caloocan City govern­ment  dahil hindi maiko­nekta sa wi-fi, madalas nagha-hang at hindi magamit sa online classes nila.”

Ito ang magkaka­samang pahayag nila Caloocan City councilors Christopher PJ Malonzo, Maria Milagros Mercado, Alexander Mangasar, Ricardo Bagus, at Marylou Nubla kasunod ng serye ng reklamong kanilang natatanggap matapos mamahagi ng mga outmodel Cherrymobile tablets ang pamahalaang lokal ng lungsod.

Ayon sa mga konse­hal, wala na sa merkado ang Cherrymobile Cosmo 7 na binili ng Caloocan City government sa halagang P4,600 bawat isa gayong may mas mura ngunit modelo at bagong labas ang kompanya.

“Iyong sa pamangkin ko nga hindi nagamit kasi bukod sa palaging nagha-hang, sobrang bagal, mas mabilis pa ang karera ng kuhol kaysa reaksiyon ng tablet sa mga command,” ani Konsehal Mercado.

Kaugnay nito, muling nagpadala ng sulat ang mga konsehal kay Mayor Oscar Malapitan para hingiin ang detalye ng biniling tablets at kung saan-saang eskuwelahan na ito naipamahagi.

Maging ang kompletong pangalan ng kompanya at mga may-ari nito ay hiniling din ng mga konsehal na isumite ng alkalde sa lalong madaling panahon.

Binigyang-diin ng mga konsehal na noong Agosto 2020 pa inapro­bahan ang P320 milyon para sa pagbili ng mga tablets ngunit Enero 2021 na ay marami pang estudyante ang hindi pa nakatatanggap nito.

Ayon kay Konsehal Malonzo, itinakda ng ordinansa na dapat mag­su­mite ng detalyadong report si Malapitan kada 15 araw mula pa noong Agosto ngunit hindi nito nagagawa kaya kailangan silang kumilos para maipaabot sa mamamayan kung saan nagamit ang pondo ng pamahalaan.

About hataw tabloid

Check Also

Migz Zubiri Pope Francis

Pope Francis binulungan si Migz: Protektahan ang pamilyang Filipino

“PINAKIUSAPAN ako ni Pope Francis to ‘protect the family,’ at isasapuso ko ang sinabi niyang …

Imelda Papin PCSO

Imelda Papin kompiyansang maraming matutulungan sa kanyang Isang Linggong Serbisyo

SHOWBIZ KONEKni Maricris Valdez Nicasio KAHAPON ang unang araw ng OPM icon at Jukebox Queen Imelda …

shabu drug arrest

Tulak timbog sa Navotas buybust ops

ARESTADO ang isang lalaki na sinabing sangkot sa pagtutulak ng ilegal na droga matapos kumagat …

Pastor Quiboloy

Warrant of arrest isinilbi vs Quiboloy, 5 iba pa

NAGTUNGO ang Philippine National Police-Criminal Investigation and Detection Group (PNP-CIDG) at Special Action Force (SAF) …

Bagong Pilipinas Hymn

Hymn at pledge ng Bagong Pilipinas pang-Executive lang — SP Escudero

TAHASANG sinabi ni Senate President Francis “Chiz” Escudero na hindi maaring ipilit sa senado, sa …

Leave a Reply

Your email address will not be published. Required fields are marked *