NAKATAKDANG muling buksan ngayong Huwebes, 14 Enero, ang 14 stalls sa Apalit public market, sa lalawigan ng Pampanga, na pansamantalang ipinasara sa loob ng 10 araw simula noong 5 Enero.
Ayon kay Glenn Danting, municipal secretary, inilagay sa 10 araw partial lockdown ang pamilihang bayan sanhi ng pagkakaroon ng CoVid-19 ng tatlo kataong nagtitinda sa mga nasabing puwesto.
Nilimitahan rin ang pamimili hanggang 11:00 am araw-araw upang bigyan ng daan ang disimpektasyon at agad na nagsagawa ng contact tracing.
Pinaaalahanan ni P/Lt. Col. Emelito Dela Cruz, hepe ng Apalit Municipal Police Station, ang mga mamamayan na palaging magsuot ng facemask at face shield kapag lumabas ng kanilang mga bahay.
(RAUL SUSCANO)
