Saturday , June 15 2024

U-turn slots sa EDSA parang pintong bukas-sara, sara-bukas

KASABAY ng pag-upo ni bagong Metropolitan Manila Development Authority (MMDA) chairman Benhur Abalos, Jr., tila naging opening salvo ng kanyang administrasyon ang heavy traffic na resulta ng pagsasara sa U-Turn slots sa General Malvar/Bagong Barrio sa EDSA.

Ang layunin umano ng pagsasara ay para sa Busway project ng Department of Transportation (DoTR).

Isinara ito dahil ang innermost lane ng EDSA ay ilalaan o itatalaga bilang “exclusive lane for public utility buses.”

Kaya ang mga motorista ay kailangan magpunta sa Monumento o sa Balintawak Cloverleaf bilang alternatibong ruta.

Matatandaan na mula Setyembre noong isang taon, anim na U-turn slots sa EDSA ang isinara sa trapiko para nga magbigay-daan sa Busway project.

Ang pagsasarang ito ang sinisi ng mga motorista kung bakit matinding traffic ang sumalubong sa kanila sa EDSA nitong Lunes.

Sa ulat, sinabing 20,000 sasakyan ang gumagamit ng U-Turn slots araw-araw kaya bigla silang nabulaga nang bigla na lamang itong magsara.

‘Yun bang tipong bigla kang napaapak sa preno at muntik mabangga ng nasa likurang sasakyan dahil sa mabilis na paghinto.

Nakupo! Para kang ‘na-good morning’ Monday no’n.

Nagkaroon naman ng remedyo, pinaderetso sila sa A. De Jesus St., pero naipit na muna sa traffic ang maraming motorista.

Pero nagbabala ang Metro Manila Development Authority (MMDA) na limang U-Turn slots pa ang isasara.

Aabutin umano sa 13 U-Turn slots ang isasara sa EDSA upang magbigay daan sa gagawing bus lanes.

‘Yan naman ang ipinagtataka natin sa mga awtoridad. Ang akala yata sa U-Turn slots sa EDSA ay pintong puwedeng bukas-sara bukas-sara.

Ang isa pang nakabubuwisit, nagsasara sila nang walang abiso.

Wattafak!

Tapos magtataka sila kung nagkakaroon ng heavy traffic saka ituturo ang pagkakamali sa mga motorista.

Pabor naman tayong ayusin ng gobyerno ang public transportation nang sa gayon ay makontrol ang private vehicles sa kalsada na sabi nga ay mas marami pa kaysa sasakyang pampubliko.

Pero may isa lang pong concern ang maraming mamamayan: sumangguni muna kayo sa publiko lalo sa bayang motorista bago magdesisyon na isasara ang U-Turn slots.

In short, hingin n’yo muna ang opinyon ng mga mamamayan bago kayo mag­desisyon.

Huwag po ninyong paglaruan ang traffic sa EDSA, Please lang po!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *