Megan & Mikael, balik-probinsiya Natulog sa matigas na sahig

LILIPAT na sa Subic ang mag-asawang Mikael Daez at Megan Young matapos i-celebrate ang 10 taon nilang relasyon last January 5.

Nadala na ang ilan nilang gamit sa bahay na lilipatan sa Subic na ipinakita nila kapwa sa kanilang Instagram account.

Batid ng mag-asawa ang stress ng paglilipat pero hindi sila nagpatalo. Sanay na rin kasi sila sa simpleng buhay noon pa mang hindi sila ikinakasal.

Eh dahil nadala na halos lahat ng gamit nila sa Subic mula sa condo, wala na silang kamang mahigaan. Kaysa problemahin ang higaan, kapwa sila nahiga sa matigas na sahig ng walang kaartehan, huh!

Eh tapos na rin ang lock-in taping ni Mikael sa Kapuso series niyang Love of My Life na mapapanood ang fresh episode simula sa Lunes, January 18.

I-FLEX
ni Jun Nardo