Sunday , June 23 2024

Loisa sininghalan, netizen na nagsabing retokada fez: Wala akong ginawa, Never akong nagparetoke

MAGKASAMA ang magka-loveteam at magkasintahang sina Loisa Andalio at Ronnie Alonte sa YouTube video na in-upload nila noong January 7, 2021, sa pagsagot ng mean comments ng kanilang bashers. Isa sa sinagot ni Loisa ay ang sinabi ng netizen na, ‘retokadang-retokada ang fez ni loisa andalio ngayon ah. no offense.’

Ayon sa young actress, wala itong katotohanan, ”Wala akong ginawa. Never akong nag­paretoke. As in hindi ako nag­paretoke talaga.

“Hindi ko rin pinangarap na magparetoke. Kumbaga, ayokong baguhin ang hitsura ko,” giit ni Loisa.

Pero hindi tinututulan ni Loisa ang pagpapa-enhance ng hitsura. Pero sa kaso niya, hindi niya ito kailangan.

“Okay lang i-enhance. Hindi ako ano roon, wala akong pro­blema sa mga nagpa­pa-enhance. Pero sa nakikita ko, wala namang dapat i-enhance. Wow, lakas!” may halong birong hirit niya.

Aminado si Loisa na naisip niyang magparetoke ng katawan noong mas bata-bata pa siya, pero hindi niya ito itinuloy.

“Dati gusto ko magpapayat, lipo [liposuction],’ di ba? Uso ‘yun dati. Idinaan ko sa diet. Doon ko na-realize na, ‘Ay, ‘di ko pala kailangan. Kaya naman pala.’”

Nagsalita rin si Loisa tungkol sa mga pumapansin sa kanyang pangangatawan. Halata raw na ine-edit niya ang kanyang pictures dahil may mga kuha siyang mataba at payat na napu-post sa social media.

“’Yung mga ganitong comment naman, ‘di ko na pinapansin kasi nakakatawa lang naman ‘yung mga ganyan. At saka ‘pag nag-e-edit ng picture, walang basagan ng trip naman, guys.”

May komentong tinawag siyang, ”bobo, tanga, malandi,” at kung ano-ano pang masasakit na salita.

Banat ni Loisa, ”Lahat ng masasama… masasakit na salita, sinabi mo na sa ’kin. Inagawan ba kita ng jowa? Ari-arian mo kinuha ko? Grabe naman ‘yung inutil.

“Hindi ako nahe-hurt, pero kayong mga basher, bawas-bawasan niyo ang ganyan kasi pagdya-judge ‘yan.

“Dati sumasagot ako sa mga basher, pero mas nakaya ko siyang i-handle. Kasi, parang, thank you kasi parang may time kayo na i-bash kami. May time kayo na tingnan ‘yung nangyayari sa buhay namin.

“Kumbaga, pinag-aaksayahan niyo kami ng panahon kahit parang hindi kayo natutuwa.”

Samantala, halatang napikon si Ronnie sa akusa sa kanya ng basher na napipilitan lang siya sa pakikipagrelasyon kay Loisa sa ngalan ng showbiz. Pinaratangan pa ng basher na “tanga” ang fans nina Loisa at Ronnie na naniniwala sa pagmamahalan ng dalawa.

Buwelta ni Ronnie, ”Apat na taon na kami may nasasabi ka pa, ‘di ba?!God bless, pasensiya. Anong napipilitan? Nasaan ang napipilitan? Four years na tayo, Bhe. At saka ‘yung fans, hindi tanga ‘yan. Hindi namin binayaran para sumuporta sa ‘min. Sumuportang kusa ‘yan kaya ‘wag mong tinatanga.” 

Sabi pa ni Ronnie kay Loisa, ”Tamang sagot lang. Wala akong pinipili sa kung sino man kasi ikaw lang naman ang pinili ko. Dahil sa career, hello! Putik! Sino ba idol mo?Bago kami nagkakilala ni Loisa, hindi ko kinailangan para sa career. Hindi ako user, no!”

Gayunman, nagpapasalamat pa rin sina Loisa at Ronnie sa kanilang mga basher dahil pinag-aaksayahan sila ng panahon.

MA at PA
ni Rommel Placente

 

About Rommel Placente

Check Also

Darren Espanto D10 Star Magic

Darren Espanto pambato ng Star Magic  

SHOWBIZ KONEKni Maricris Valdez Nicasio NATAWA kami sa tinuran ni Darren Espanto nang matanong kung …

Diwata

Diwata walang kiyemeng kumain ng tsiken habang sumasagala 

MATABILni John Fontanilla HINDI na nga maitatago pa ang kasikatan ng social media viral pares …

Ogie Diaz Mama Loi Bea Alonzo

Ogie naghain ng counter-affidavit, Mama Loi perjury case vs Bea Alonzo

MA at PAni Rommel Placente KASAMA ang kanilang abogadong si Atty. Regie Tongol, humarap sina Ogie Diaz, …

Vilma Santos Carlo Aquino Charlie Dizon

Ate Vi bumawi sa mga inaanak na sina Carlo at Charlie

MA at PAni Rommel Placente ISA ang tinaguriang Star For All Seasons na si Vilma Santos sa …

Child Haus Ricky Reyes

TEAM Gift Giving & Feeding project sa Child Haus matagumpay Advocacy ni Ricky Reyes pagtulong  sa mga batang may cancer

ALAM MO NA!ni Nonie Nicasio MASAYA ang pag-welcome ni Mader Ricky Reyes sa mga kasapi …

Leave a Reply

Your email address will not be published. Required fields are marked *